Թեև անհնար է կանխել ցանկացած պատահար, այս խորհուրդները կարող են ոսկորների կոտրվածքից որոշակի պաշտպանություն առաջարկել:
- Դարձրեք ձեր սննդակարգը ոսկորներն ամրացնող. կերեք առողջ սնունդ, որը ներառում է կալցիումով հարուստ մթերքներ, ինչպիսիք են կաթը, յոգուրտը (մածունը) և պանիրը և վիտամին D, որն օգնում է ձեր օրգանիզմի կողմից կալցիումի ներծծմանը: Դուք կարող եք վիտամին D ստանալ յուղոտ ձկներից, օրինակ՝ սաղմոնից, հարստացված մթերքներից, ինչպիսիք են կաթը և նարնջի հյութը և արևի ազդեցությունից:
- Կատարեք ոսկորների ամրության վարժանքներ. ծանրաբեռնվածություն պահանջող ֆիզիկական զբաղմունքները և վարժանքները, որոնք բարելավում են հավասարակշռությունը և կեցվածքը, կարող են ամրացնել ոսկորները և նվազեցնել կոտրվածքների հավանականությունը: Տարիքի հետ որքան ակտիվ և լավ մարմնակառուցվածով լինեք, այնքան ավելի քիչ հավանական է, որ ընկնեք և ոսկոր կոտրեք:
- Կանխեք ընկնելը. ընկնելը կանխելու համար հագեք հարմարավետ կոշիկներ: Հեռացրեք տան վտանգները, որոնք կարող են սայթաքելու պատճառ դառնալ, օրինակ՝ սահուն գորգիկները: Համոզվեք, որ ձեր բնակելի տարածքը լավ լուսավորված է: Անհրաժեշտության դեպքում, ձեր լոգասենյակում տեղադրեք բռնակներ, իսկ սանդուղքների վրա՝ աստիճանավանդակներ:
- Օգտագործեք պաշտպանիչ հանդերձանք. հագեք դաստակի պաշտպանիչներ բարձր ռիսկային գործունեության համար, ինչպիսիք են սահելը, սնոուբորդը, ռեգբին և ֆուտբոլը:
- Մի՛ ծխեք. ծխելը կարող է մեծացնել ձեռքի կոտրվածքի ռիսկը՝ նվազեցնելով ոսկրային զանգվածը: Այն նաև խանգարում է կոտրվածքների ապաքինմանը:
Հոդվածը հրապարակվել է՝ 15-04-2023
Վերջին վերանայում՝ 23-04-2024