Բուժում - Թունավորում շմոլ գազով

Գազի հոտ զգալու կամ թունավորման նշաններ նկատելու դեպքում անմիջապես դուրս եկեք մաքուր օդ և օդափոխեք տարածքը:

Զանգահարեք 1-01 կամ 911 կամ շտապ օգնություն, եթե դուք կամ ձեզ հետ գտնվող որևէ մեկն ունի ածխածնի մոնօքսիդի թունավորման ախտանիշներ: Դրանք ներառում են գլխացավ, գլխապտույտ, սրտխառնոց, շնչահեղձություն, թուլություն և շփոթվածություն:

Հիվանդանոցային բուժումը կարող է ներառել հետևյալը:

• Մաքուր թթվածնի շնչում. անհետաձգելի բուժօգնության սենյակում ստանդարտ բուժումը ներառում է քթի և բերանի վրա դրված դիմակի միջոցով մաքուր թթվածին շնչելը: Սա օգնում է, որ թթվածինը հասնի օրգաններ և հյուսվածքներ: Այն մարդկանց, ովքեր չեն կարող ինքնուրույն շնչել, կարող է միացվել շնչառական սարք:
• Բուժում թթվածնային խցիկում. սա կոչվում է հիպերբարիկ թթվածնային թերապիա: Այն ներառում է որոշակի ժամանակի ընթացքում հերմետիկ փակ խցիկում մաքուր թթվածին շնչելը: Օդի ճնշումը խցիկում սովորականից 2-ից 3 անգամ բարձր է: Սա օգնում է, որ արյան մեջ ածխածնի մոնօքսիդը փոխարինվի թթվածնով: Հիպերբարիկ թթվածնային թերապիան կարող է օգտագործվել ածխածնի մոնօքսիդով ծանր թունավորման դեպքում: Այն օգնում է, որ սրտի և գլխուղեղի հյուսվածքները պաշտպանվեն ածխածնի մոնօքսիդի առաջացրած վնասից: Հիպերբարիկ թթվածնային թերապիան կարող է օգտագործվել նաև հղի կանանց համար՝ չծնված երեխաներին ածխածնի մոնօքսիդով թունավորուման վնասից պաշտպանելու համար: