Կրոնի հիվանդություն. ախտանիշներ

Կրոնի հիվանդություն. ախտանիշներ
Անգլերեն անվանումը՝ Symptoms of Crohn’s disease

Կրոնի հիվանդությունը կարող է ախտահարել մարսողական խողովակի ցանկացած հատված՝ սկսած բերանի խոռոչից մինչև հետանցք, սակայն ավելի հաճախ «տեղակայվում է» բարակ աղիների վերջին հատվածում (իլեում) կամ հաստ աղիներում:

Ուստի, Կրոնի հիվանդությունն ընթանում է մարսողական համակարգի ախտահարման նշաններով՝ փորլուծություն, որովայնի շրջանի ցավեր և կծկանքներ, ընդհանուր թուլություն և հոգնածության զգացում, ախորժակի անկում և մարմնի կշռի կորուստ (պայմանավորված աղիներից սննդանյութերի ներծծման խանգարմամբ):

Սովորաբար որովայնի աջ ստորին հատվածում տեղակայված ցավը լինում է հիվանդության առաջին նշանը:

Փորլուծության բնույթը պայմանավորված է ախտահարված օջախի տեղակայումից. եթե զստաղու (բարակ աղիքի վերջնահատված, իլեուս) բորբոքմանը բնորոշ է մեծ ծավալի ջրային կղանքի առաջացումը, ապա հաստ աղու բորբոքմանն ավելի բնորոշ է փոքր քանակության, բայց հաճախակի լուծը։ Աղիների գործունեության խանգարումը կարող է ուղեկցվել աղիների փքվածության զգացումով (մետեորիզմ) ու վքնածությամբ:

Այս ախտանիշները տարբեր մարդկանց մոտ ընթանում են տարբեր սրությամբ: Հիվանդությունն ունի ալիքաձև ընթացք. բորբոքման սրացումն ընթանում է ախտանիշների սաստկացմամբ (ախտադարձ), որին հաջորդում է ախտադադարը (ռեմիսիա):

Հիվանդության այլ նշաններից են՝

Բուժումից դուրս մնացած դեպքերում կարող են զարգանալ նաև արտաաղիքային բարդություններ, այդ թվում՝

Վերոնշյալ ախտանիշներից մեկնումեկի առկայության դեպքում առանց հետաձգելու դիմեք ձեր բժշկին: Թեև Կրոնի հիվանդության վերջնական բուժում գոյություն չունի, սակայն բժիշկը կարող է նշանակել դեղեր, որոնք մեղմացնում են գանգատների մեծ մասը և կանխարգելում բարդությունները:

Հոդվածը վերանայվել է՝ 27-05-2019