Գրադարան
Կրոնի հիվանդություն
1 րոպե
Կրոնի հիվանդությունը աղիների բորբոքային հիվանդության տեսակ է:
Կրոնի հիվանդությունն առաջացնում է ձեր մարսողական խողովակի հյուսվածքների այտուցվածություն (բորբոքում), որը կարող է հանգեցնել որովայնի ցավի, ուժեղ փորլուծության, հոգնածության, քաշի կորստի և թերսնուցման՝ աղիների ներծծման խանգարման պատճառով (մալաբսորբցիա):
Կրոնի հիվանդության պատճառով առաջացած բորբոքումները տարբեր մարդկանց մոտ կարող են ընդգրկել մարսողական համակարգի տարբեր հատվածներ, առավել հաճախ՝ բարակ աղին: Այս բորբոքումը հաճախ տարածվում է աղու պատի խորը շերտերում:
Կրոնի հիվանդությունը կարող է լինել և ցավոտ, և հյուծող, իսկ երբեմն կարող է հանգեցնել կյանքին սպառնացող բարդությունների:
Կրոնի հիվանդության համար հայտնի բուժում չկա, սակայն թերապիաները կարող են զգալիորեն նվազեցնել գանգատներն ու ախտանիշները և նույնիսկ բերել բորբոքման երկարատև մեղմացման և լավացման: Բուժման դեպքում Կրոնի հիվանդությամբ բազմաթիվ մարդիկ կարողանում են լավ գործել:
Խոցային կոլիտ
Խոցային կոլիտը աղիների բորբոքային հիվանդության մեկ այլ տեսակ է, որն ախտահարում է միայն հաստ աղիքը, իսկ բորբոքումն ընդգրկում է միայն աղիքի պատի լորձաթաղանթը, մինչդեռ Կրոնի հիվանդությունը կարող է ախտահարել մարսողական խողովակի ցանկացած հատված՝ սկսած բերանի խոռոչից մինչև հետանցք, թեև ավելի հաճախ ախտահարում բարակ աղու վերջին հատվածը (իլեում) կամ հաստ աղիքը (կոլոն) և ընդգրկել աղիների պատի ողջ հաստությունը:
Իմացե՛ք ավելին խոցային կոլիտի մասին:
Հոդվածը տեղադրվել է՝ 27-05-2019 վերանայվել է՝ 26-06-2023 | Հիմնական աղբյուր՝ Evidence-Based Overviews
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
