Գրադարան

Էնդոմետրիոզ

Էնդոմետրիոզ

Time Read 2 րոպե

Էնդոմետրիոզը հաճախ ցավոտ խանգարում է, որի դեպքում սովորաբար ձեր արգանդը ներսից ծածկող հյուսվածքին՝ էնդոմետրիումին նմանվող հյուսվածքը, աճում է ձեր արգանդից դուրս:

Էնդոմետրիոզն առավել հաճախ ախտահարում է ձեր ձվարանները, արգանդափողերը և կոնքը ծածկող հյուսվածքը: Հազվադեպ էնդոմետրիումի նման հյուսվածք կարող է հայտնաբերվել այն տարածքից դուրս, որտեղ գտնվում են կոնքի օրգանները:

Էնդոմետրիոզի դեպքում էնդոմետրիումի նման հյուսվածքը գործում է այնպես, ինչպես էնդոմետրիումի հյուսվածքը. այն հաստանում է, քայքայվում և արյունահոսում յուրաքանչյուր դաշտանային ցիկլի հետ: Սակայն, քանի որ այս հյուսվածքը ձեր մարմնից դուրս գալու միջոց չունի, այն հայտնվում է թակարդված վիճակում: Երբ էնդոմետրիոզը ներառում է ձվարանները, կարող են ձևավորվել կիստաներ, որոնք կոչվում են էնդոմետրիոմա: Շրջապատող հյուսվածքը կարող է գրգռվել՝ ի վերջո զարգացնելով սպիական հյուսվածք և կպումներ՝ շարակցական հյուսվածքի շերտեր, որոնք կարող են հանգեցնել կոնքի խոռոչի հյուսվածքների և օրգանների միմյանց կպչելուն:

Էնդոմետրիոզը կարող է առաջացնել ցավ, երբեմն՝ ուժեղ, հատկապես դաշտանային ժամանակաշրջաններում: Կարող են զարգանալ նաև պտղաբերության հետ կապված խնդիրներ: Բարեբախտաբար, կան արդյունավետ բուժումներ:

Հոդվածը տեղադրվել է՝ 06-05-2018 վերանայվել է՝ 26-06-2023 | Հիմնական աղբյուր՝ Evidence-Based Overviews

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով