Պատճառներ - Էպիդիդիմիտ

Մակամորձու բորբոքման պատճառը սովորաբար բակտերիալ կամ վիրուսային վարակներն են։

Էպիդիդիմիտի պատճառները ներառում են հետևյալը:

• Սեռական ճանապարհով փոխանցվող վարակներ. գոնորեան և քլամիդիան երիտասարդների և սեռական ակտիվ կյանքով ապրող տղամարդկանց շրջանում էպիդիդիմիտի ամենատարածված պատճառներն են:
• Այլ վարակներ. միզուղիների բակտերիաները (միզուղիների վարակ) կամ շագանակագեղձի վարակը (պրոստատիտ) կարող են տարածվել դեպի մակամորձիներ: Միևնույն ժամանակ, վիրուսային վարակները, օրինակ՝ խոզուկի վիրուսը, նույնպես կարող են առաջացնել էպիդիդիմիտ:
• Մեզ մակամորձում. այս վիճակն առաջանում է, երբ մեզը ետ է հոսում դեպի մակամորձի՝ առաջացնելով քիմիական գրգռում: Դա կարող է լինել ծանրություն բարձրացնելու կամ ձգվելու հետևանք:
• Տրավմա. փոշտի շրջանի վնասվածքը կարող է առաջացնել էպիդիդիմիտ:
• Տուբերկուլոզ. հազվադեպ, էպիդիդիմիտը կարող է պատճառվել տուբերկուլոզային վարակով:

Ռիսկի գործոններ

Այն սեռական վարքագծերը, որոնք բարձրացնում են սեռավարակների ռիսկը, բարձրացնում են նաև սեռական ճանապարհով փոխանցվող էպիդիդիմիտի ռիսկը: Դրանցից են՝

• սեռական հարաբերություն որևէ սեռավարակ ունեցող զուգընկերոջ հետ
• չպաշտպանված (առանց պահպանակի) սեռական հարաբերություն
• որևէ սեռավարակի պատմություն:

Ոչ սեռական ճանապարհով փոխանցվող էպիդիդիմիտի ռիսկի գործոններից են՝

• շագանակագեղձի կամ միզուղիների վարակների պատմություն
• միզուղիների վրա ազդող բժշկական միջամտությունների պատմություն, օրինակ՝ առնանդամից միզային կաթետրի կամ ցիստոսկոպի ներմուծում
• շագանակագեղձի մեծացում (ադենոմա), որը մեծացնում է միզապարկի վարակների և էպիդիդիմիտի ռիսկը: