Գրադարան

Էպիդիդիմիտ. ախտանիշներ

Էպիդիդիմիտ. ախտանիշներ

Time Read 1 րոպե

Եթե ունեք մակամորձու բորբոքում, նույն կողմի ամորձին դառնում է զգայուն կամ ցավոտ, անսովոր տաք և այտուցված։

Ընդհանուր առմամբ, էպիդիդիմիտի ախտանիշները ներառում են՝

  • այտուցված, կարմրած կամ անսովոր տաք փոշտ (ամորձապարկ)
  • ամորձու ցավ կամ ցավոտություն, սովորաբար մի կողմից, որը հաճախ սկսվում է աստիճանաբար
  • ցավոտ միզարձակում (դիզուրիա)
  • հրատապ կամ հաճախակի մեզելու անհրաժեշտություն
  • առնանդամից (միզուկային բացվածքից) արտադրություն
  • որովայնի ստորին հատվածում կամ կոնքում ցավ կամ անհարմարավետության զգացում (դիսկոմֆորտ)
  • արյուն սերմնահեղուկում
  • ավելի հազվադեպ՝ ջերմություն:

Քրոնիկ էպիդիդիմիտ

Ավելի քան 6 շաբաթ շարունակվող կամ կրկնվող էպիդիդիմիտը համարվում է քրոնիկ: Քրոնիկ էպիդիդիմիտի ախտանիշները կարող են սկսվել աստիճանաբար: Երբեմն քրոնիկ էպիդիդիմիտի պատճառը չի հայտնաբերվում:

Ե՞րբ դիմել բժշկին

Երբեք մի՛ անտեսեք փոշտի շրջանի ցավերը կամ այտուցվածությունը։ Այս գանգատը կարող է կապված լինել տարբեր հիվանդությունների հետ, որոնց մի մասը պահանջում է անհետաձգելի բուժում, քանի դեռ չեն զարգացել անդառնալի փոփոխություններ:

Եթե փոշտի շրջանի ցավն ուժեղ է, դիմեք անհետաձգելի բուժօգնության: Այցելեք ձեր բժշկին, եթե ունեք առնանդամից արտադրություն կամ ցավոտ միզարձակում:

Հոդվածը տեղադրվել է՝ 07-04-2021 վերանայվել է՝ 07-11-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով