Ախտանիշներ - Արգանդի միոմա

​Արգանիդի միոմա (ֆիբրոիդ) ունեցող բազմաթիվ կանայք որևէ գանգատ չեն նշում:

Եթե արգանդի միոման առաջացնում է ախտանիշներ, դրանք սովորաբար կախված են տեղակայումից, չափսերից և միոմաների քանակից՝

• առատացած դաշտանային արյունահոսություն
• ավելի քան մեկ շաբաթ տևող դաշտաններ
• որովայնի ստորին հատվածում կամ կոնքում ծանրության ու ճնշման զգացում կամ ցավ
• հաճախակի միզարձակում
• միզապարկը դատարելու դժվարություն
• փորկապություն
• գոտկային շրջանի կամ ոտքերի ցավեր:

Արգանդի միոման հազվադեպ կարող է առաջացնել սուր ցավ, եթե չափսերով գերակշռում է առկա արյան հոսքին, որի պատճառով սկսում է քայքայվել:

Միոմաները սովորաբար դասակարգվում են ըստ տեղակայման։

• Ներմկանային (ինտրամուրալ) միոմաներն աճում են արգանդի մկանային պատի հաստության մեջ: Սա ամենահաճախ հանդիպող տեսակն է։
• Ենթալորձային (սուբմուկոզ միոմաները գտնվում են արգանդի ներսի մակերևույթին (լորձաթաղանթի տակ) և կարող են մեծանալ դեպի ներս՝ ձևախախտելով արգանդի խոռոչը։
• Ենթաշճային (սուբսերոզ) միոմաները գտնվում են արգանդի մակերեսին (շճաթաղանթի տակ) և կարող են մեծանալ արգանդի սահմաններից դուրս:

Ե՞րբ դիմել բժշկին

Այցելեք բժշկին, եթե ունեք՝

• չմեղմացող կոնքային ցավեր
• մշտապես առատ, երկարատև կամ ցավոտ դաշտաններ
• դաշտանների միջև արյան հետքեր կամ արյունահոսություն
• միզապարկի դատարկման դժվարություն
• արյան կարմիր բջիջների (էրիթրոցիտներ) անբացատրելի ցածր քանակ (անեմիա):

Դիմեք անհետաձգելի բուժօգնության, եթե ունեք հանկարծակի սկսված առատ հեշտոցային արյունահոսություն կամ սուր կոնքային ցավեր: