Պատճառներ - Հարթ ոտնաթաթեր

Նորածինների և մանկահասակ երեխաների մոտ հարթ ոտնաթաթերն արտասովոր չեն, քանի որ նրանց մոտ ոտնաթաթի կամարը դեռ չի ձևավորվել:

Մարդկանց մեծամասնության մոտ ոտնաթաթի կամարները ձևավորվում են մանկության տարիներին, սակայն որոշ մարդկանց մոտ դրանք երբեք չեն զարգանում: Ոտնաթաթի կամարներ չունեցող մարդիկ կարող են խնդիրներ ունենալ կամ չունենալ:

Որոշ երեխաներ ունեն ճկուն հարթաթաթություն, որը հաճախ կոչվում է ճկուն հարթ ոտնաթաթեր: Սա այն վիճակն է, երբ կամարը տեսանելի է, երբ երեխան նստած կամ կանգնած է ոտքի ծայրերին, սակայն անհետանում է, երբ երեխան կանգնում է: Երեխաների մեծամասնությունն տարիքին զուգահեռ առանց խնդիրների հաղթահարում է ճկուն հարթաթաթությունը:

Հարթաթաթություն չունեցող մարդկանց մոտ նույնպես կարող է զարգանալ այս վիճակը: Վնասվածքից հետո կամարները կարող են կոտրվել կամ փշրվել: Կամ կապանամկանային ապարատի հյուծումը կարող է առաջանալ տարիների մաշվածության ընթացքում: Ժամանակի ընթացքում ջիլը, որն անցնում է կոճի ներսի երկայնքով և օգնում է պահել կամարը, կարող է թուլանալ կամ պատռվել: Երբ վիճակը ծանրանում է, ոտնաթաթի մեջ կարող է զարգանալ արթրիտ:

Ռիսկի գործոններ

Հարթաթաթության ռիսկը մեծացնող գործոններից են՝

• գիրություն
• ոտնաթաթի կամ կոճի վնասվածք
• ռևմատոիդ արթրիտ
• բարձր տարիք և ծերացում
• շաքարային դիաբետ: