Բուժում - Հարթ ոտնաթաթեր

Ընդհանուր առմամբ, եթե հարթ ոտնաթաթերը ցավեր չեն պատճառում, բուժում չի պահանջվում:

Թերապիաներ

Ցավ առաջացնող հարթաթաթության դեպքում ձեր բժիշկը կարող է առաջարկել հետևյալ միջոցները:

• Կամարի օժանդակող (օրթոդոնտիկ) պարագաներ կամ սուպինատորներ. այս միջոցները կարող են օգնել հարթաթաթության հետ կապված ցավի թեթևացմանը: Երբեմն առաջարկվում են անհատական ձևավորած սուպինատորներ, որոնք կրկնում են ոտնաթաթի ուրվագծերը: Դրանք չեն բուժում հարթաթաթությունը, սակայն հաճախ նվազեցնում են ախտանիշները:
• Ձգվող վարժություններ. հարթաթաթություն ունեցող որոշ մարդիկ նաև կարող են ունենալ կարճացած աքիլեսյան ջիլ (գարշապար): Նման իրավիճակում այս ջիլը ձգող վարժությունները կարող են օգնել:
• Ֆիզիոթերապիա. հարթաթաթությունը կարող է նպաստել որոշ վազորդների մոտ առաջացող գերօգտագործման վնասվածքների առաջացմանը: Ֆիզիոթերապևտը կարող է առաջարկել հատուկ վարժություններ, որոնք նպաստում են ոտնաթաթերի մկանների ու ջլերի ամրապնդմանը և տալ խորհուրդներ, որոնք կօգնեն քայլքի բարելավմանը:

Վիրահատություն

Վիրահատական միջամտություն չի առաջարկվում զուտ հարթաթաթությունը շտկելու համար: Վիրահատությունը կարող է տարբերակ լինել, եթե հարթ ոտնաթաթերով անձինք նշում են ցավեր, որոնք սահմանափակում են նրանց գործունեությունը նույնիսկ ոչ վիրաբուժական տարբերակներ փորձելուց հետո: Վիրահատությունը կարող է վերականգնել ոսկորների և ջիլերի խնդիրները, որոնք առաջացնում են ցավ: