Կանխարգելում - Մրճանման մատ

Հարմարավետ կոշիկները կարող են կանխել ոտնաթաթերի, կրունկների և կոճերի հետ կապված բազմաթիվ խնդիրներ:

Ահա թե ինչի վրա պետք է ուշադրություն դարձնել կոշիկ գնելիս:

• Ոտքի մատների համար բավարար տարածք. խուսափեք սրածայր կոշիկներից։ Ծայրահեղ դեպքում հագեք դրանք առիթից առիթ:
• Ցածր կրունկներ. բարձրակրունկ կոշիկներից խուսափելը կօգնի ոտքի մատների և մեջքի հետ կապված խնդիրների կանխարգելմանը:
• Կոշիկներ, որոնք կարգավորվում են. թելերով կամ ժապավեններով կոշիկներն ավելի ընդարձակ են և ավելի հեշտ է ոտնաթաթին հարմարեցնել:

Այս լրացուցիչ խորհուրդները կարող են օգնել ճիշտ կոշիկ ընտրելիս:

• Կոշիկ գնեք օրվա ավարտին․ օրվա ընթացքում ոտքերն այտուցվում են:
• Ստուգեք կոշիկի չափսը․ կոշիկի չափսը, հատկապես լայնությունը, կարող է փոխվել տարիքի հետ: Չափեք ձեր երկու ոտնաթաթերը և գնեք քիչ ավելի մեծ կոշիկներ:
  
• Գնեք այն կոշիկը, որը փորձել և համոզվել եք, որ հարմարավետ է․ մինչև գնում կատարելը համոզվեք, որ կոշիկը հարմարավետ է երկու ոտքերի համար: Կոշիկի վերանորոգման կետերում կոշիկի նեղ մասերը կարող են լայնացվել, սակայն ավելի լավ է դրանք գնել ըստ ձեր ճիշտ չափսի: