Գրադարան
Ջերմահորդանք. ախտանիշներ
1 րոպե
Ջերմահորդանքի գանգատներն ու ախտանիշները հայտնի են միջին տարիքի կանանց մեծ մասին:
Ջերմահորդանքի ժամանակ դուք կարող եք նշել`
- ջերմության կամ ներքին տաքության հանկարծակի զգացում, որը տարածվում է ձեր կրծքավանդակի, պարանոցի և դեմքի միջով
- կարմրած տեսք՝ կարմիր բծավոր մաշկով
- սրտազարկի արագացում
- քրտինք, հիմնականում մարմնի վերին մասի վրա
- ջերմահորդանքը դադարելիս մրսելու զգացում և դող ու սարսուռ
- անհանգստության զգացումներ:
Կանանց շրջանում ջերմահորդանքների հաճախականությունն ու ուժգնությունը տարբեր է: Մեկ դրվագը կարող է տևել մեկ կամ երկու րոպե կամ մինչև 5 րոպե:
Ջերմահորդանքները կարող են լինել թեթև կամ այնքան ուժեղ, որ խանգարեն առօրյա գործունեությանը: Դրանք կարող են տեղի ունենալ օրվա կամ գիշերվա ցանկացած ժամի: Գիշերային ջերմահորդանքները (գիշերային քրտնարտադրություն) կարող են ձեզ արթնացնել քնից և հանգեցնել քնի երկարատև խանգարումների:
Այն, թե որքան հաճախ են լինում տաք բռնկումները, տարբեր կանանց մոտ տարբեր է, սակայն ջերմահորդանքներ ունեցող կանանց մեծամասնությունը հայտնում է, որ դրանք ի հայտ են գալիս ամեն օր: Միջինում ջերմահորդանքի ախտանիշները պահպանվում են ավելի քան յոթ տարի, իսկ հազվադեպ՝ ավելի քան 10 տարի:
Երբ դիմել բժշկի
Եթե տաք ջերմահորդանքներն ազդում են ձեր առօրյա գործունեության կամ գիշերային քնի վրա, այցելեք ձեր բժշկին՝ միասին բուժման տարբերակները քննարկելու համար:
Հոդվածը տեղադրվել է՝ 25-02-2023 վերանայվել է՝ 07-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
