Ջերմահորդանքը կամ տաք բռնկումը մարմնի վերին մասում ջերմության կամ տաք ներհոսի հանկարծակի զգացումն է, որը սովորաբար առավել ուժեղ դրսևորվում է դեմքի, պարանոցի և կրծքավանդակի վրա:
Ձեր մաշկը կարող է կարմրել, կարծես ամոթից շառագունում եք: Ջերմահորդանքը նաև կարող է առաջացնել քրտնարտադրություն: Եթե կորցնում եք չափազանց շատ մարմնի ջերմություն, ապա կարող եք ունենալ մրսելու զգացում՝ դող և սարսուռ: Գիշերային քրտինքն այն ջերմահորդանքն է, որը տեղի է ունենում գիշերը և կարող է խանգարել ձեր քունը:
Թեև այլ առողջական խնդիրները կարող են առաջացնել դրանք, ջերմահորդանքներն առավել հաճախ պայմանավորված են դաշտանադադարով, երբ դաշտանները դառնում են անկանոն և ի վերջո դադարում: Իրականում ջերմահորդանքները դաշտանադադարի փուլ անցման ամենատարածված ախտանիշն են:
Գոյություն ունեն անհանգստացնող ջերմահորդանքների բուժման տարբեր եղանակներ:
Իմացե՛ք ավելին դաշտանադադարի մասին:
Հոդվածը հրապարակվել է՝ 25-09-2020
Վերջին վերանայում՝ 29-04-2024