Պատճառներ - Ստամոքսի խանգարում

Ստամոքսի կամ մարսողության խանգարումն ունի բազմաթիվ հնարավոր պատճառներ:

Այն հաճախ կապված է ապրելակերպի հետ և կարող է հրահրվել սննդից, խմիչքից կամ դեղորայքից: Ստամոքսի խանգարման ընդհանուր պատճառները ներառում են՝

• չափազանց մեծ քանակներով կամ խիստ արագ ուտելը
• ճարպոտ, յուղոտ կամ կծու սնունդ ուտելը
• չափից շատ կոֆեին, ալկոհոլ, շոկոլադ կամ գազավորված ըմպելիքներ խմելը
• ծխելը
• սթրես կամ անհանգստություն ունենալը
• որոշակի հակաբիոտիկներ, ցավազրկողներ և երկաթի հավելումներ օգտագործելը:

Վիճակը, որը հայտնի է որպես ֆունկցիոնալ կամ ոչ խոցային դիսպեպսիա և կապված է գրգռված աղիքի համախտանիշի հետ, ստամոքսի խանգարման շատ տարածված պատճառ է:

Երբեմն ստամոքսի խանգարումը պայմանավորված է այլ հիվանդություններով կամ վիճակներով, այդ թվում՝

• ստամոքսի բորբոքում (գաստրիտ)
• պեպտիկ խոցեր
• ցելիակայի հիվանդություն
• լեղապարկի քարեր
• փորկապություն
• ենթաստամոքսային գեղձի բորբոքում (պանկրեատիտ)
• ստամոքսի քաղցկեղ
• աղիների խցանում (անանցանելիություն)
• աղիներում արյան հոսքի նվազում (իշեմիա)
• շաքարային դիաբետ (շաքարախտ)
• վահանաձև գեղձի հիվանդություն
• հղիություն: