Ինքնօգնություն - Ստամոքսի խանգարում

Ստամոքսի թեթև խանգարման ժամանակ ապրելակերպի փոփոխությունները ​հաճախ օգտակար են։

Փորձեք ձեր ապրելակերպի մեջ կատարել հետևյալ շտկումները:

• Կերեք ավելի փոքր չափաբաժնով սնունդ, բայց՝ ավելի հաճախակի. մի՛ շտապեք և ծամեք ձեր սնունդը դանդաղ և մանրակրկիտ:
• Խուսափեք հրահրող գործոններից. յուղոտ և կծու սնունդը, մշակված մթերքները, գազավորված ըմպելիքները, կոֆեինը, ալկոհոլը և ծխելը կարող են նպաստել ստամոքսի խանգարման առաջացմանը:
• Պահպանեք առողջ քաշ. ավելորդ կիլոգրամները ճնշում են ձեր որովայնը՝ բարձրացնելով ստամոքսը և առաջացնելով թթու ստամոքսյահյութի բարձրացում դեպի կերակրափող (թթվային ռեֆլյուքս):
• Զբաղվեք կանոնավոր ֆիզիկական վարժանքներով. ֆիզիկական զբաղմուքներն օգնում են ձեզ խուսափելու ավելորդ քաշից և նպաստում են ավելի մարսողության բարելավմանը:
• Կառավարեք ձեր սթրեսը. ստեղծեք ճաշելու հանգիստ միջավայր: Փորձեք ռելաքսացիայի մեթոդներ, ինչպիսիք են խորը շնչառությունը, մեդիտացիան կամ յոգան: Ժամանակ անցկացրեք այն բաների վրա, որոնք ձեզ դուր են գալիս: Շատ քնեք։
• Փոխեք ձեր դեղամիջոցները. ձեր բժշկի թույլտվությամբ դադարեցրեք կամ կրճատեք ցավազրկողների կամ այլ դեղամիջոցների օգտագործումը, որոնք կարող են գրգռել ձեր ստամոքսի լորձաթաղանթը: Եթե դա հնարավոր չէ, համոզվեք, որ դեղամիջոցներն ընդունեք սննդի հետ միասին:

Այլընտրանքային բժշկություն

Այլընտրանքային և օժանդակող բուժումները երկար տարիներ օգտագործվել են ստամոքսի խանգարումը թեթևացնելու համար, թեև դրանց արդյունավետությունը տարբեր անձանց մոտ տարբեր է: Այս բուժումները ներառում են հետևյալը:

• Բուսաբուժություն, ներառյալ՝ սովորական անանուխ (мята перечная), անանուխի և քիմիոնի (тмин) յուղերի համադրություն կամ ռիկկունշիտո (rikkunshito) կոչվող ճապոնական բուսական բանաձև:
• STW 5 (Իբերոգաստ)՝ հեղուկ հավելում, որը պարունակում է ինը խոտաբույսերի արտամզվածք և կարող է նվազեցնել ստամոքաթթվի արտադրությունը:
• Ասեղնաբուժություն, որը կարող է ազդել՝ արգելափակելով դեպի գլխուղեղ ցավային ազդանշաններ տեղափոխող նյարդերի ուղիները:
• Հոգեթերապիա, ներառյալ՝ վարքագծերի ձևափոխում, ռելաքսացիայի մեթոդներ, կոգնիտիվ վարքաբանական թերապիա և հիպնոթերապիա, որոնք հաճախ բավականին օգտակար են:

Հավելումներ օգտագործելուց առաջ միշտ խորհրդակցեք ձեր բժշկի հետ՝ համոզվելու, որ դուք ընդունում եք անվտանգ քանակներ և բուսական և մյուս միջոցները չեն փոխազդի ձեր մյուս դեղամիջոցի հետ: