Գրադարան

Ստամոքսի խանգարում․ բուժում

Ստամոքսի խանգարում․ բուժում

Time Read 1 րոպե

​Ապրելակերպի փոփոխությունները կարող են օգնել ստամոքսի խանգարման կամ ֆունկցիոնալ դիսպեպսիայի թեթևացմանը:

Ձեր բժիշկը կարող է խորհուրդ տալ հետևյալը`

  • խուսափել այն մթերքներից, որոնք առաջացնում են մարսողության խանգարում
  • օրական հինգ կամ վեց փոքր ճաշ ուտել՝ երեք մեծ ճաշի փոխարեն
  • նվազեցնել կամ խուսափել ալկոհոլի և կոֆեինի օգտագործումից
  • խուսափել որոշակի ցավազրկողներից, ինչպիսիք են Ասպիրինը, Իբուպրոֆենը (Ադվիլ, Մոտրին IB և այլն) և Նապրոքսեն նատրիումը (Ալեվե)
  • գտնել ստամոքսի խանգարում առաջացնող դեղամիջոցների այլընտրանքներ
  • կառավարել ձեր սթրեսը և անհանգստությունը:

Եթե ապրելակերպի այս փոփոխություններից հետո ձեր ստամոքսի խանգարումը շարունակվում է, դեղամիջոցները կարող են օգնել: Ընդհանուր առմամբ, դեղատոմս չպահանջող անտացիդներն առաջին ընտրությունն են: Այլ տարբերակները ներկայացված են ստորև:

  • Պրոտոնային պոմպի արգելակիչներ (ինհիբիտորներ) (ՊՊԱ), որոնք կարող են նվազեցնել ստամոքսի թթվայնությունը: ՊՊԱ-ներ կարող են առաջարկվել հատկապես այն դեպքում, երբ ստամոքսի խանգարումն ուղեկցվում է այրոցքով (изжога):
  • H2 ընկալիչների պաշարիչներ (բլոկատորներ), որոնք նաև կարող են նվազեցնել ստամոքսի թթվայնությունը:
  • Պրոկինետիկներ, որոնք կարող են օգտակար լինել, եթե ձեր ստամոքսը դանդաղ է դատարկվում (կոչվում է գաստրոպարեզ):
  • Հակաբիոտիկները կարող են օգնել, եթե ձեր ստամոքսի խանգարման պատճառը հելիկոբակտերի պիլորի (H. pylori) բակտերիաներն են:
  • Հակադեպրեսանտներ կամ տագնապամարիչ դեղամիջոցներ, որոնք կարող են թեթևացնել ստամոքսի խանգարումից առաջացած անհանգստությունը՝ նվազեցնելով ցավի զգացողությունը:

Հոդվածը տեղադրվել է՝ 19-02-2023 վերանայվել է՝ 04-03-2024

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով