Ձեր բժիշկն, ամենայն հավանականությամբ, կսկսի ձեր գանգատները լսելուց և ձեր հիվանդության պատմության մասին հարցեր տալուց (անամնեզ հավաքելուց), որից հետո ձեզ մանրակրկիտ կզննի:
Սրանք կարող են բավարար լինել, եթե ձեր ստամքսի խանգարումը թեթև է, և չունեք այնպիսի ախտանիշներ, ինչպիսիք են քաշի կորուստը և կրկնվող փսխումները:
Սակայն, եթե ձեր ստամոքսի խանգարումը սկսվել է հանկարծակի, և նշում եք ծանր գանգատներ կամ 55 տարեկանից մեծ եք, ձեր բժիշկը կարող է խորհուրդ տալ հետևյալ հետազոտությունները:
- Լաբորատոր թեստեր՝ սակավարյունության (անեմիա) կամ այլ նյութափոխանակության խանգարումների ստուգման համար։
- Շնչառության և կղանքի թեստեր՝ ստուգելու հելիկոբակտեր պիլորի (H. pylori) բակտերիան, որը կապված է ստամոքսի խանգարում առաջացնող պեպտիկ խոցի հետ:
- Էնդոսկոպիա՝ վերին մարսողական խողովակի անկանոնությունները ստուգելու համար, հատկապես ավելի համառ ախտանիշներով տարեց մարդկանց մոտ: Գաստրոդուոդենոսկոպիայի ընթացքում լաբորատոր թեստի համար կարող է վերցվել հյուսվածքային փոքր նմուշ (բիոպսիա):
- Պատկերային թեստեր (ռենտգեն կամ ԿՏ սքան)՝ աղիքային խանգարման կամ այլ խնդիր ստուգելու համար:
Հոդվածը հրապարակվել է՝ 19-02-2023
Վերջին վերանայում՝ 23-04-2024