Գրադարան

Պատանեկան իդիոպաթիկ արթրիտ․ ախտանիշներ

Պատանեկան իդիոպաթիկ արթրիտ․ ախտանիշներ

Time Read 1 րոպե

Պատանեկան (յուվենիլ) իդիոպաթիկ կամ ռևմատոիդ արթրիտի ամենատարածված գանգատներն ու ախտանիշները հետևյալն են:

  • Ցավ. թեև ձեր երեխան կարող է չբողոքել հոդացավից, դուք կարող եք նկատել, որ նա կաղում է, հատկապես առավոտյան կամ ննջելուց հետո:
  • Այտուց. հոդերի այտուցվածությունը տարածված է, սակայն հաճախ առաջին անգամ նկատվում է ավելի մեծ հոդերի, օրինակ՝ ծկան այտուցը:
  • Կարկամություն. դուք կարող եք նկատել, որ ձեր երեխան սովորականից ավելի անհաջող կամ ոչ սլացիկ շարժումներ է անում, հատկապես առավոտյան արթնանալուց (վաղորդյան կարկամություն) կամ ննջելուց հետո:
  • Ջերմություն, այտուցված ավշային հանգույցներ և ցան. որոշ դեպքերում կարող է առաջանալ բարձր ջերմություն, այտուցված ավշային հանգույցներ կամ իրանի վրա ցան, որը սովորաբար ավելի է սաստկանում երեկոյան ժամերին:

Պատանեկան իդիոպաթիկ արթրիտը կարող է ախտահարել մեկ կամ բազմաթիվ հոդեր: Բժիշկները տարբերում են այս հիվանդության մի քանի տարբեր ձևեր, սակայն հիմնականները հետևյալ ենթատեսակներն են՝

  • համակարգային՝ ջերմություն և այլ համակարգային նշաններ
  • օլիգոարտիկուլյար՝ սակավաթիվ հոդերի ախտահարում
  • պոլիարտիկուլյար՝բազմաթիվ հոդերի ախտահարում):

Այն, թե որ ենթատեսակն է ձեր երեխայի մոտ, կախված է ախտանիշներից, ախտահարված հոդերի քանակից և ջերմության ու ցանի դրսևորման աստիճանից:

Ինչպես արթրիտի (հոդաբորբի) մյուս ձևերը, պատանեկան իդիոպաթիկ արթրիտը բնորոշվում է փուլային ընթացքով՝ ախտադարձերով (ռեցեդիվ), երբ ախտանիշները սրվում կամ բռնկվում են և ախտադադարներ (ռեմիսիա), երբ ախտանիշները կարող են նվազագույն լինել:

Ե՞րբ դիմել բժշկին

Տարեք ձեր երեխային բժշկի մոտ, եթե նա մեկ շաբաթից ավելի ունի հոդացավ, հոդերի այտուց կամ կարկամություն, հատկապես, եթե նաև ջերմություն ունի:

Հոդվածը տեղադրվել է՝ 26-12-2023 վերանայվել է՝ 26-12-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով