Գրադարան

Լիստերիոզ․ կանխարգելում

Լիստերիոզ․ կանխարգելում

Time Read 2 րոպե

Լիստերիայով վարակը կանխելու համար հետևեք սննդի անվտանգության պարզ կանոններին:

  • Պահպանեք իրերը մաքուր․ ձեռքերը մանրակրկիտ լվացեք գոլ ջրով և օճառով ուտելուց առաջ և հետո: Խոհանոցային գործերից հետո օգտագործեք տաք ջուր և օճառ սպասքը, խոհանոցային տախտակները և սննդի պատրաստման այլ մակերեսները լվանալու համար:
  • Մաքրեք հում բանջարեղենը․ հում բանջարեղենը լավ լվացեք առատ հոսող ջրի տակ: Բանջարեղենի խորդուբորդ մակերեսները մաքրելու համար օգտագործեք խոհանոցային խոզանակ:
  • Լիարժեքորեն եփեք ձեր կերակուրները․ օգտագործեք սննդային ջերմաչափ՝ համոզվելու, որ մսի, թռչնամսի և ձվի ուտեստները պատրաստված են անվտանգ ջերմաստիճանային պայմաններում: Ցանկալի է նաև ուտելուց առաջ ճաշը եռացնել:

Նախազգուշական միջոցներ առանձնակի ռիսկի ենթարկվող մարդկանց համար

Եթե հղի եք կամ ունեք թուլացած իմունային համակարգ, առանձնահատուկ զգուշություն դրսևորեք լիստերիայով չվարակվելու համար: Հետևյալ տեսակի մթերքների հետ կապված ձեռնարկեք հավելյալ նախազգուշական միջոցներ:

  • Փափուկ և մեքսիկական ոճի պանիրներ. մի՛ կերեք փափուկ պանիրներ, ինչպիսիք են ֆետան, բրին, կամեմբերը, կապույտ պանիրը կամ մեքսիկական ոճի պանիրներ, ինչպիսիք են քվեսո բլանկան և քվեսո ֆրեսկոն, քանի դեռ փաթեթավորումից պարզ չէ, որ ապրանքը պատրաստված է պաստերիզացված կաթից:
  • Հոթ-դոգեր և մսային ուտեստներ. խուսափեք այս արտադրանքներից, քանի դեռ դրանք չեն տաքացվում մինչև գոլորշի արձակելը: Հոթ-դոգի փաթեթների հեղուկը հեռու պահեք այլ մթերքից, սպասքից և սննդի պատրաստման մակերեսներից: Լվացեք ձեր ձեռքերը այս ուտեստները պատրաստելուց հետո:
  • Մսային պաշտետներ. մի՛ կերեք սառնարանային պայմաններում չպահված մսային պաշտետներ: Պահածոյացված պաշտետները, քանի դեռ չեն բացվել, կարող են ապահով պահվել նաև սենյակային ջերմաստիճանում: Բացելուց հետո պահեք դրանք սառնարանում՝ ոչ ավելի քան մեկ-երկու օր։ Ընդհանուր առմամբ, սեղանին մնացած սննդատեսակները պահպանեք սառնարանում և օգտագործեք միայն մոտակա 24 ժամվա ընթացքում:
  • Ապխտած ծովամթերք. այս ապրանքները կարող են պիտակավորվել որպես նովա սթայլ, լոքս, կիպպերդ կամ ջերկի: Ցանկալի է դրանք ուտել եփած ուտեստների մեջ: Պահածոյացված ապխտած ծովամթերքն ընդունելի է:
  • Հում կամ թեթև եփած ծիլեր. ցանկացած տեսակի ծիլերը պետք է մանրակրկիտ եփել:

Հոդվածը տեղադրվել է՝ 21-12-2023 վերանայվել է՝ 21-12-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով