Պատճառներ - Մկանային սպազմ

Մկանի գերօգտագործումը կամ գերձգումը, առատ քրտնելուց օրգանիզմի կենսահեղուկների կորուստը (ջրազրկում) կամ պարզապես որևէ դիրքում երկար ժամանակ մնալը կարող է առաջացնել մկանային կծկանք և ջղաձգում:

Այնուամենայնիվ, բազմաթիվ դեպքերում պատճառը մնում է անհայտ:

Մկանային ջղաձգումների մեծ մասն անվնաս է, սակայն որոշ դեպքերում դրանք կարող են կապված լինել որևէ առողջական խնդրի կամ վիճակի հետ:

• Արյան անբավարար հոսք. ոտքերն արյուն մատակարարող զարկերակների նեղացումը կարող է ֆիզիկական վարժանքների ժամանակ ոտքերում կամ ոտնաթաթերում առաջացնել ջղաձգման կամ կծկանքային (սպաստիկ) ցավեր: Այս ջղաձգումները սովորաբար անհետանում են վարժանքը դադարեցնելուց անմիջապես հետո:
• Նյարդի սեղմում (կոմպրեսիա). ձեր ողնաշարի նյարդերի վրա ճնշումը (օրինակ՝ գոտկային սթենոզ) նույնպես կարող է առաջացնել ոտքերում ջղաձգման ցավեր: Ցավը սովորաբար սաստկանում է քայլելիս: Քիչ առաջ թեքված վիճակում քայլելը կարող է թուլացնել ջղաձգությունը:
• Ոչ բավարար էլեկտրոլիտներ. ձեր սննդակարգում կալիումի, կալցիումի կամ մագնեզիումի չափազանց փոքր քանակները կարող են առաջացնել ոտքերում ջղաձգումներ: Բարձր արյան ճնշման (հիպերտենզիա) համար հաճախ նշանակվող դեղամիջոցները կարող են խթանել միզարձակությունը, որի հետևանքով օրգանիզմը կարող է կորցնել այս էլեկտրոլիտները:

Ռիսկի գործոններ

Գործոնները, որոնք կարող են մեծացնել մկանի ջղաձգության ռիսկը, ներառում են հետևյալը:

• Տարիք. մեծ տարիքով մարդիկ կորցնում են իրենց մկանային զանգվածը, որի պատճառով մկանները չեն կարող ուժեղ աշխատել և ավելի հեշտությամբ են գերլարվում:
• Վատ ֆիզիկական վիճակ. որևէ ֆիզիկական գործ կամ վարժանք անելուն պատրաստ չլինելը հանգեցնում է նրան, որ մկանները ավելի հեշտ են հոգնում:
• Խիստ քրտնարտադրություն. այն մարզիկները, ովքեր հոգնում և շատ են քրտնում տաք եղանակին սպորտով են զբաղվելիս, հաճախ ունենում են մկանային ջղաձգումներ:
• Հղիություն. մկանային ջղաձգումները տարածված են հղիության ընթացքում:
• Առողջական խնդիրներ. շաքարային դիաբետ կամ որևէ այլ հիվանդություն ունենալը, որոնք ներառում են նյարդերը, լյարդը կամ վահանաձև գեղձը, կարող են մեծացնել մկանային ջղաձգումների ռիսկը:
• Մարմնի քաշը․ ավելցուկային քաշ ունենալը կարող է մեծացնել մկանային ջղաձգումների ռիսկը: