Ախտանիշներ - Մկանային սպազմ

Մկանային ջղաձգություն առավել հաճախ առաջանում է ոտքերում, սովորաբար՝ սրունքի ետնամասի մկաններում։

Հանկարծակի, սուր ցավից բացի նաև կարող եք նկատել մաշկի տակ մկանային հյուսվածքի պնդացած զանգված կամ մկանի ձևափոխում: Ջղաձգությունը սովորաբար տևում է վայրկյաններից մինչև րոպեներ։ Երբ այն թուլանում է, տվյալ շրջանը ժամեր կամ օրեր կարող է մնալ ցավոտ։

Ե՞րբ դիմել բժշկին

Մկանային ջղաձգումները սովորաբար ինքնուրույն անհետանում են։ Դրանք հիմնականում բուժօգնություն չեն պահանջում։ Այնուամենայնիվ, այցելեք ձեր բժշկին, եթե ունեք ջղաձգումներ, որոնք՝

• պատճառում են խիստ անհանգստություն (դիսկոմֆորտ)
• ուղեկցվում են ոտքի այտուցվածությամբ, կարմրությամբ կամ մաշկային փոփոխություններով
• առաջանում են մկանային թուլությանը զուգընթաց
• առաջանում են հաճախակի
• ինքնօգնության և տնային միջոցներով չեն բարելավվում
• կապված չեն որևէ ակնհայտ պատճառի հետ, ինչպիսիք են ֆիզիկական ծանր վարժանքները։