Ախտանիշներ - Օնիխոմիկոզ

Եղունգների սնկախտի կամ օնիխոմիկոզի ախտանիշները հեշտ ճանաչելի են:

Սնկիկներով վարակված եղունգը կամ եղունգները դառնում են՝

• հաստացած կամ կոպտացած
• գունազրկված
• փխրուն, փշրվող, ճաքող կամ կոտրվող
• ձևափոխված (տձևացած)
• եղունգների մահճակալից (հիմքից) առանձնացված
• սուր և տհաճ հոտով:

Եղունգների սնկիկները կարող են ախտահարել ձեռքերի եղունգները, սակայն ոտքերի եղունգների սնկախտն ավելի տարածված է:

Ե՞րբ դիմել բժշկին

Դուք կարող եք դիմել ձեր բժշկին, եթե տնային բուժումները չեն օգնում, և եղունգը գնալով գունաթափվում է, հաստանում կամ ձևափոխվում է: Նաև խոսեք ձեր բժշկի հետ, եթե ունեք՝

• շաքարային դիաբետ և կարծում եք, որ ձեզ մոտ զարգացել է եղունգների սնկախտ
• եղունգների շուրջ արյունահոսություն
• եղունգների շուրջ այտուց կամ ցավ
• քայլելու հետ կապված դժվարություն: