Skip to main content

Առնանդամի գլխիկի մաշկային ծալքը, որը նաև կոչվում է ծայրային թլիպ, տղա երեխայի ծնվելիս ձիգ է, սակայն սովորաբար թուլանում է մինչև 2 տարեկանը:

Երկուսից 6 տարեկանի ընթացքում թլիպը թուլանում է և սկսում առանձնանալ առնանդամի գլխիկից: Որոշ դեպքերում ֆիմոզը կարող է առաջանալ նաև մանկական տարիքից հետո։

Ֆիմոզ ունեցող տղա երեխան կամ տղամարդը կարող են ունենալ հետևյալ ախտանիշները՝

  • թլիպի կամ գլխիկի կարմրություն կամ գունազրկում, որը կարող է առաջանալ վարակի կամ գրգռվածության դեպքում
     
  • այտուց (բորբոքում), որը կարող է առաջանալ, երբ թլիպը վարակված կամ գրգռված է
  • ցավոտություն
  • ցավ միզելիս (դիզուրիա)
  • ցավ էրեկցիայի կամ սեռական ակտիվության ժամանակ:

Ֆիմոզի ծանրության աստիճանները

Տարբերում են ֆիմոզի հետևյալ հինգ ծանրության աստիճանները՝

  • 1-ին աստիճան. թլիպի լրիվ հետ քաշում՝ ամուր գլխիկի ետևում
  • 2-րդ աստիճան. գլխիկի մասնակի մերկացում, թլիպը սահմանափակող (ոչ բնածին կպումներ) գործոններ
  • 3-րդ աստիճան. մասնակի հետ քաշում, միզուկի բացվածքը տեսանելի է
  • 4-րդ աստիճան. աննշան հետ քաշում
  • 5-րդ աստիճան. թլիպի հետ քաշելու անհնարինություն:

Ե՞րբ դիմել բժշկին

Խոսեք ձեր երեխայի կամ ձեր բժշկի հետ ֆիմոզի մասին, եթե անհանգստանում եք, թե կարող եք արդյոք ետ քաշել ձեր երեխայի կամ ձեր սեփական ծայրային թլիպը: Նույն կերպ, դիմեք ձեր կամ ձեր երեխայի բժշկին, եթե դուք կամ ձեր երեխան ունեք միզելու հետ կապված խնդիրներ կամ ցավ:

Հոդվածը հրապարակվել է՝ 30-05-2023
Վերջին վերանայում՝ 04-04-2024