Բուժում - Ֆիմոզ

Ֆիզիոլոգիական (բնածին) ֆիմոզը սովորաբար բուժման կարիք չունի:

Սովորաբար ձեր երեխան տարիների ընթացքում հաղթահարում է այդ խնդիրը: Ձեր բժիշկը նաև կարող է ֆիմոզի այս տեսակն անվանել առաջնային ֆիմոզ:

Ախտաբանական ֆիմոզը, որը նաև կոչվում է երկրորդային ֆիմոզ, պետք է բուժվի:

• Ձեր բժիշկը հավանաբար կառաջարկի ստերոիդային քսուք՝ ձեր առնանդամի մաշկին քսելու համար Տեղային Բետամետազոնը, Մոմետազոն ֆուրոատը կամ Կորտիզոնն ընկճում են բորբոքային և իմուն պատասխանը և բարակեցնում են մաշկը:
• Ձեր բժիշկը նաև կարող է առաջարկել, որ ստերոիդային քսուքն օգտագործելուց մոտ երկու շաբաթ անց սկսեք նրբորեն ետ ձգել ձեր առնանդամի ծայրային մաշկը: Դուք պետք է շատ նրբորեն ձգեք մաշկը՝ այն ետ քաշելով միայն այնքան, որքան կարող եք՝ առանց այն վնասելու։ Դուք նաև կարող եք քսուքն օգտագործել ձեր առնանդամի գլխիկի այն մասի վրա, որը բացվում է ձգվող վարժությունների արդյունքում:
• Եթե նախորդ միջոցառումներն արդյունք չեն տալիս, հաջորդ քայլը կլինի վիրահատությունը: Եթե ձեր երեխան դժվարություններ ունի, նրա բժիշկը կարող է մի փոքր կտրվածք անել ծայրային թլիպի վրա, որ կարողանաք ետ քաշել այն: Եթե դուք չափահաս եք և ունեք շատ սպիական հյուսվածք, որը «թակարդել» է ձեր ծայրային մաշկը, ձեր բժիշկը հավանաբար խորհուրդ կտա թլպատվել: Այս միջամտությունը կհեռացնի թլիպը և կազատի ձեր առնանդամի գլխիկը:
• Ձեր բժիշկը գրեթե միշտ կառաջարկի թլփատություն, եթե ձեր ֆիմոզի պատճառը քսերոտիկ օբլիտերացնող բալանիտն է և ստերոիդային քսուքները չեն օգնում: Ֆիմոզը կարող է սեռական գործունեությունը անհարմար դարձնել չափահասների համար: Բացի այդ, քսերոտիկ օբլիտերացնող բալանիտը կարող է առաջացնել միզուղիների հետ կապված խնդիրներ և կապված է առնանդամի քաղցկեղի բարձր ռիսկի հետ:

Իմացե՛ք ավելին թլպատման մասին: