Ախտանիշներ - Վարդագույն որքին

Վարդագույն որքինը սովորաբար սկսվում է դեմքի, մեջքի, կրծքավանդակի կամ որովայնի ձվաձև, թեթևակի բարձրացված, թեփուկավոր վարդագույն բծով, որը կոչվում է առաջանային (սուրհանդակային) բիծ, որը նաև կոչվում է մայրական վահանիկ:

Նախքան առաջնային բծի հայտնվելը, որոշ մարդիկ ունենում են գլխացավ, հոգնածություն, ջերմություն կամ կոկորդի ցավ:

Առաջնային բծի հայտնվելուց մի քանի օրից մի քանի շաբաթ հետո կարող եք նկատել ավելի վարդագույն կամ թխագույն փոքր հանգուցիկներ կամ թեփուկավոր բծեր ձեր դեմքի, մեջքի, կրծքավանդակի կամ որովայնի վրա, որոնք նման են սոճու նախշին: Ցանը կարող է քոր առաջացնել։

Հիվանդությունն ընթանում է ցանավորման ոչ մեծ բռնկումների ձևով և հաճախ ի հայտ է գալիս գարնան կամ աշնան ամիսներին:

Ե՞րբ դիմել բժշկին

Այցելեք ձեր բժշկին, եթե ձեզ մոտ առաջացել է ցան, որը ժամանակի ընթացքում վատթարանում է կամ չի մաքրվում երեք ամսվա ընթացքում: