Բուժում - Վարդագույն որքին

Վարդագույն որքինը սովորաբար մաքրվում է ինքնուրույն և առանց բուժման՝ 4-10 շաբաթվա ընթացքում:

Եթե ​այս ժամանակահատվածից հետո ցանը չի անհետանում կամ ունեք անհանգստացնող քոր, խոսեք ձեր բժշկի հետ հնարավոր բուժական միջոցների մասին: Վիճակը լավանում է առանց սպիական փոփոխությունների և սովորաբար չի կրկնվում:

Դեղամիջոցներ

Եթե ​​տնային միջոցները չեն թեթևացնում վարդագույն որքինի ախտանիշները կամ չեն կրճատում ցանի տևողությունը, ձեր բժիշկը կարող է դեղորայք նշանակել: Օրինակներից են կորտիկոստերոիդները և հակահիստամինները:

Լուսային թերապիա (ֆոտոթերապիա)

Ձեր բժիշկը նաև կարող է առաջարկել լուսային թերապիա: Լուսային թերապիայի ժամանակ ձեր ցանի տարածքը ենթարկվում է բնական կամ արհեստական ​​լույսի ազդեցությանը, որը կարող է թեթևացնել ձեր ախտանիշները: Լուսային թերապիան կարող է առաջացնել երկարատև մաշկային բծեր, որոնք սովորականից ավելի մուգ են (հետբորբոքային հիպերպիգմենտացիա) և կարող են մնալ նույնիսկ որքինային ցանի վերացումից հետո: