Պրիապիզմն առնանդամի երկարաձգված, որոշ դեպքերում՝ նաև ցավոտ էրեկցիան է։
Լիարժեք կամ մասնակի էրեկցիան շարունակվում է ժամեր շարունակ կամ կապված չէ սեռական գրգռման հետ: Պրիապիզմի հիմնական տեսակներն են՝ իշեմիկ և ոչ իշեմիկ։ Իշեմիկ պրիապիզմը անհետաձգելի բուժօգնություն պահանջող վիճակ է:
Թեև պրիապիզմն ընդհանուր առմամբ հազվադեպ հանդիպող վիճակ է, այն սովորաբար հանդիպում է որոշակի խմբերում, օրինակ՝ մանգաղաբջջային հիվանդությամբ տառապող մարդկանց մոտ: Պրիապիզմի արագ բուժումն անհրաժեշտ է առնանդամի հյուսվածքների վնասումը կանխելու համար, որը կարող է հանգեցնել էրեկցիայի կամ էրեկցիայի պահպանման անկարողության (էրեկտիլ դիսֆունկցիա):
Պրիապիզմն առավել հաճախ հանդիպում է 30 տարեկան և ավելի մեծ տարիքի տղամարդկանց շրջանում, սակայն մանգաղաբջջային հիվանդությամբ տղամարդկանց մոտ կարող է սկսվել դեռևս մանկական տարիքից:
Հոդվածը հրապարակվել է՝ 27-04-2018
Վերջին վերանայում՝ 23-04-2024