Գրադարան

Մաշկի ցանավորում (էկզանթեմա)

Մաշկի ցանավորում (էկզանթեմա)

Time Read 2 րոպե

Ցանը մաշկի և լորձաթաղանթների վրա տարբեր մեծության ու բնույթի, մաշկի կամ լորձաթաղանթի նորմալ գույնը, տեքստուրան (կազմվածքը) և արտաքին տեսքը փոխող գոյացություններ են:

Ցանն առանձին հիվանդություն չէ, այլ ախտանիշ, որն առաջանում է արտաքին (մեխանիկական, քիմիական և այլն) կամ ներքին գործոնների ազդեցությունից (հիվանդություններ, նյութափոխանակության և առանձին օրգանների գործունեության խանգարումներ, վարակներ և այլն):

Ցան կամ ցանավորում տերմիններն ընդհանուր առմամբ օգտագործում են՝ հղում կատարելու բազմաթիվ տարբեր մաշկային հիվանդություններին: Մաշկը կարող է ցանավորվել բազմաթիվ տարբեր ուղղակի կամ անուղղակի պատճառներով, այդ թվում՝ բակտերիալ, վիրուսային կամ սնկիկային վարակներ, ինչպես նաև ոչ վարակիչ հիվանդություններ կամ առողջական խնդիրներ:

Ամենատարածված ցաներից են՝ էկզեմա, եղնջացան, մարզիկի ոտնաթաթ (ոտնաթաթի էպիդերմոֆիտիա), վարակներ, ինչպես նաև ալերգիկ և թունավոր նյութերի շփումից առաջացած ցան:

Մաշկացանների մեծ մասը սովորաբար տևում է մի քանի օր և ինքնուրույն կամ բուժմամբ անհետանում է: Եթե ձեր մաշկի վրա (կամ լորձաթաղանթներին) առաջացել է ցան, որը շարունակվում է ավելի երկար կամ ուղեկցվում այլ անհանգստացնող երևույթներով, պետք է դիմել բժշկին:

Հոդվածը տեղադրվել է՝ 08-05-2020 վերանայվել է՝ 12-05-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով