Գրադարան
Ցան. բուժում
1 րոպե
Ցաների մեծ մասը վտանգավոր չէ և որոշ ժամանակ անց ինքնուրույն անհետանում է:
Ուստի, կարելի է մի քանի օր բավարարվել ցանավորմանն ուղեկցող ախտանիշների մեղմացմանն ուղղված միջոցներով (օրինակ՝ քորի կամ մաշկի չորության մեղմացում) և այս ընթացքում հետևել՝ համոզվելու, թե արդյոք ցանը մեղմանում, թե խորանում է:
Նման դեպքերում բժշկի խորհրդով կարող եք օգտագործել որոշ սովորական դեղամիջոցներ, օրինակ՝
- քորի դեմ նրբաքսուքներ (կրեմներ), որոնք պարունակում են 1% Հիդրոկորտիզոն
- բերանային (օրալ) հակահիստամինային դեղեր, ինչպիսիք են Դիֆենհիդրամինը կամ Հիդրոքսիզինը
- չոր մաշկի դեպքում օգտագործել խոնավացնող լոսյոններ կամ նրբաքսուքներ:
Եթե ցանը կրում է կայուն բնույթ և հանդես է գալիս որպես մաշկային կամ համակարգային հիվանդության ախտանիշ, ձեր բժիշկը կառաջարկի միջոցներ՝ ուղղված հիմնական հիվանդության կամ ախտաբանական վիճակի բուժմանը:
Օրինակ, մաշկի սնկիկային ախտահարման դեպքում բժիշկը կարող է խորհուրդ տալ Կլոտրիմազոլ, Միկոնազոլ, Տերբինաֆին և այլ հակասնկիկային դեղեր պարունակող նրբաքսուքներ: Այլ, համակարգային խնդիրների դեպքերում բժիշկը կարող է բուժել միայն հիմնական հիվանդությունը՝ առանց ուշադրություն դարձնելու մաշկային փոփոխություններին, որոնք, որպես կանոն, ինքնուրույն անհետանում են արդյունավետ բուժման ընթացքում:
Հոդվածը տեղադրվել է՝ 08-05-2020 վերանայվել է՝ 12-05-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
