Գոտևորող հերպես. ախտանիշներ

Գոտևորող հերպես. ախտանիշներ

Գոտևորող հերպեսի ախտանիշները սովորաբար ընդգրկում են ձեր մարմնի մի կեսի փոքր հատվածը («գոտի»)։

Եթե դուք ունեք գոտևորող հերպես, ապա հիվանդության սկզբում դուք հավանաբար կզգաք հետևյալ նախնական ախտանիշները՝

Այս նշանները հայտնվելուց 2-3 օր անց մաշկի գերզգայուն դարձած շրջանում հայտնվում է ցավոտ ցան, ավելի հաճախ՝ մարմնի միայն ձախ կամ միայն աջ կողմում։

Ցանը սկզբից կազմված է ցավոտ կարմիր հանգույցներից (էրիթեմային բծեր), որոնք արագորեն փոխարինվում են հեղուկով լցված բշտիկների, որոնք ի վերջո ունենում են պնդացած մակերեսներ կամ բացվելով՝ վերածվում են «քերծվածքների» (էրոզիաներ)։

Բազմաթիվ մարդկանց մոտ գոտևորող հերպեսն առանց որևէ բարդության ինքնուրույն մեղմանում է։ Սակայն, որոշ դեպքերում կարող են առաջանալ ծանր բարդություններ, որոնցից են՝

  • հերպեսային ցանի անհետացումից հետո ցավերի շարունակություն, որը կոչվում է «հետհերպեսային նևրալգիա» և կարող է հանդիպել գոտևորող հերպեսով բարձր տարիքի չափահաս մարդկանց շուրջ կեսի մոտ (երիտասարդների մոտ հանդիպում է ավելի հազվադեպ)
  • աչքի շրջանում զարգացող գոտևորող հերպեսը կարող է առաջացնել տեսողության ժամանակավոր կամ մնայուն կորուստ, ուստի, եթե ձեր ցանն ընդգրկում է նաև աչքը, բժիշկը ձեզ կուղեգրի ակնաբույժի խորհրդատվության
  • կախված նրանից, թե որ նյարդն է ախտահարվել, գոտևորող հերպեսը կարող է առաջացնել ուղեղի բորբոքում (էնցեֆալիտ), դիմային պարալիչ, լսողության թուլացում, հավասարակշռության խանգարումներ, ձեռքերի կամ ոտքերի թուլություն
  • հերպեսային բշտիկները ոչ ճիշտ բուժելու (կամ բուժման բացակայության) պայմաններում կարող է միանալ բակտերիալ վարակ և առաջանալ հակաբիոտիկային բուժման կարիք։

Ե՞րբ է պետք այցելել բժշկին

Կապ հաստատեք ձեր բժշկի հետ անմիջապես, երբ ձեզ մոտ նկատում եք գոտևորող հերպեսի նշաններից որևէ մեկը։ Եթե հիվանդությունը սկսվելուց հետո առաջին 3 օրվա ընթացքում սկսեք ստանալ հակավիրուսային դեղեր, դուք կարող եք կարճացնել հիվանդության տևողությունը, մեղմացնել ընթացքը և կրճատել հետագա բարդությունների ռիսկը։

Տեղեկացրեք ձեր բժշկին նաև այն դեպքերում, երբ գոտևորող հերպեսի սովորական ախտանիշներին գումարվել է նշվածներից մեկնումեկը՝

Դուք պետք է հանդիպեք ձեր բժշկին նաև այն դեպքերում, եթե ձեր տարիքը 60-ից անց է, հղի եք, ունեք թուլացած իմունային համակարգ (դիմադրողականություն) կամ ընդունում եք դեղեր, որոնք կարող են ընկճել ձեր դիմադրողականությունը։

Հոդվածը վերանայվել է՝ 16-05-2020