Ախտանիշներ - Միզածորանի խցանում

Միզածորանային օբստրուկցիան կամ խցանումը կարող է գանգատներ կամ ախտանիշներ չառաջացնել:

Գանգատները կամ ախտանիշները կախված են նրանից, թե որտեղ է առաջացել խցանումը, մասնակի է այն, թե ամբողջական, որքան արագ է այն զարգանում, և արդյոք այն ազդում է մեկ կամ երկու երիկամների վրա (այլ կերպ ասած՝ միակողմանի է, թե երկկողմանի):

Գանգատներն ու ախտանիշները կարող են ներառել՝

• ցավ, սովորաբար՝ գոտկային շրջանում և երբեմն՝ որովայնում, որը կարող է ճառագայթել դեպի աճուկը կամ սեռական շրջանը
• միզարձակման քանակի փոփոխություններ, սովորաբար՝ կրճատում
• դժվարացած միզարձակում
• արյուն մեզում
• միզուղիների վարակներ
• բարձր արյան ճնշում (հիպերտենզիա):

Ե՞րբ դիմել բժշկին

Պայմանավորվեք և այցելեք ձեր բժշկին, եթե ունեք անհանգստացնող գանգատներ և ախտանիշներ:

Դիմեք անհետաձգելի բուժօգնության, եթե ունեք՝

• այն աստիճան ուժեղ ցավ, որ չեք կարող հանգիստ նստել կամ որևէ հարմարավետ դիրք գտնել (կոչվում է երիկամային խիթ)
• ցավ, որն ուղեկցվում է սրտխառնոցով և փսխումներով
• ցավ, որն ուղեկցվում է բարձր ջերմությամբ, դողով ու սարսուռով
• արյուն մեզում
• միզարձակման դժվարություն: