Գրադարան

Միզուկի նեղացում․ ախտորոշում

Միզուկի նեղացում․ ախտորոշում

Time Read 1 րոպե

Միզուկի նեղացումը կամ ստրիկտուրան ախտորոշելիս ձեր բժիշկը կհարցնի ձեր ախտանիշների և ձեր հիվանդության պատմության մասին, ինչպես նաև կկատարի ֆիզիկական քննություն (բուժզննում):

Հետազոտությունները, որոնք կարող են օգնել պարզելու, թե միզուկի որ հատվածում է նեղացումը, ինչ չափի է այն և ինչն է այն առաջացնում, կարող են ներառել հետևյալը:

  • Մեզի թեստեր. դրանց նպատակն է մեզի նմուշի մեջ փնտրել վարակի, արյան կամ քաղցկեղի նշաններ:
  • Մեզի հոսքի (շիթի) թեստ. սա չափում է մեզի հոսքը և մեզի շիթի ուժգնությունը:
  • Միզուկի գերձայնային հետազոտություն. միզուկի սոնոգրաֆիան կարող է ցույց տալ, թե որքան երկար է միզուկի նեղացումը:
  • Կոնքային գերձայնային հետազոտություն. կոնքի օրգանների սոնոգրաֆիան կարող է պարզել, թե արդյոք միզելուց հետո միզապարկում մեզ է մնում (կոչվում է մնացորդային մեզ):
  • Կոնքային մագնիսա-ռեզոնանսային տոմոգրաֆիկ (ՄՌՏ) սքանավորում. սա թույլ է տալիս հետազոտել կոնքի ոսկորները՝ ստուգելու, թե ինչպես է այն կապված ձեր ախտանիշների հետ:
  • Հետադարձ (ռետրոգրադ) ուրեթրոգրաֆիա. այս հետազոտությունն օգտագործում է ռենտգեն պատկերներ՝ միզուկի խնդիր կամ վնասվածք գտնելու համար: Այն նաև ցույց է տալիս, թե որքան երկար է ստրիկտուրան և միզուկի որ հատվածում է այն տեղակայված:
  • Ցիստոսկոպիա. սա օգտագործում է բարակ խողովակի նման գործիք՝ ցիստոսկոպ, որն ունի լույսի աղբյուր և ոսպնյակ: Գործիքը թույլ է տալիս ներսից դիտել միզուկը և միզապարկի խոռոչը:

Հոդվածը տեղադրվել է՝ 27-11-2023 վերանայվել է՝ 27-11-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով