Նկարագիր - Ուվեիտ

Ուվեիտն աչքի բորբոքման ձև է, որն ազդում է ակնագնդի պատի հյուսվածքի միջին շերտի վրա (ուվեա):

Ուվեիտի մասին հուշող գանգատները հաճախ հայտնվում են հանկարծակի և արագ վատթարանում: Դրանցից են՝ աչքի կարմրություն, ցավ և մշուշոտ կամ պղտոր տեսողություն: Հիվանդությունը կարող է ազդել մեկ կամ երկու աչքերի վրա և կարող է զարգանալ բոլոր տարիքի մարդկանց, նույնիսկ՝ երեխաների մոտ:

Ուվեիտի հնարավոր պատճառներից են վարակը, աչքի վնասվածքը, աուտոիմուն կամ բորբոքային հիվանդությունները: Շատ անգամ բուն պատճառը հնարավոր չէ բացահայտել:

Ուվեիտը կարող է ծանր ընթացք ստանալ՝ հանգեցնելով տեսողության մշտական ​​կորստի: Վաղ ախտորոշումը և բուժումը կարևոր են բարդությունները կանխելու և տեսողությունը պահպանելու համար: