Ախտանիշներ - Դաստակի ցավ

Կախված պատճառից, դաստակի ցավը կարող է լինել տարբեր:

Օրինակ, օստեոարթրիտի ցավը հաճախ բնութագրվում է որպես բութ ատամնացավին նմանվող, մինչդեռ կարպալ թունելի համախտանիշը սովորաբար առաջացնում է ծակոցներ կամ թմրածություն, հատկապես՝ գիշերային ժամերին:

Դաստակի ցավի հստակ տեղորոշումը նույնպես օգնում է հասկանալու ձեր ախտանիշի առաջացման պատճառը:

Ե՞րբ դիմել բժշկին

Դաստակի ցավի ոչ բոլոր դրվագներն են պահանջում բժշկական օգնություն: Թեթև ձգումներից կամ «անհաջող» շարժումներից առաջացած մեղմ ցավերը սովորաբար թուլանում կամ վերանում են տեղային սառեցնող միջոցներով (օրինակ՝ սառցեպարկ), տվյալ ձեռքին և դաստակին հանգիստ տալով կամ սովորական ցավազրկողներով:

Սակայն, եթե ցավը պահպանվում է մի քանի օր կամ գնալով ուժգնանում է, այցելեք ձեր բժշկին: Ուշացած ախտորոշումը և բուժումը կարող են բերել ոչ լիարժեք լավացման, շարժումների սահմանափակման և երկարատև հաշմանդամության: