Ախտանիշներ - Ադենոիդներ

Մեծացած ադենոիդներով երեխաները կարող են ընդհանրապես ախտանիշներ չունենալ:

Այնուամենայնիվ, որոշ դեպքերում մեծացած ադենոիդները կարող են հանգեցնել հետևյալ գանգատների և ախտանիշների՝

• կոկորդի ցավ
• հոսող կամ փակված քիթ
• ականջներում լցվածության կամ խցանված լինելու զգացում
• քնի դժվարացում
• կուլ տալու դժվարություն
• այտուցված պարանոցային ավշային հանգույցներ
• բերանով շնչառություն, որի պատճառով՝ բերանի չորություն, ճաքած շրթունքներ կամ բերանի վատ հոտ
• խռմփոց
  
• քնած վիճակում շնչառության կարճատև ընդհատումներ (քնի օբստրուկտիվ խանգարում):

Ե՞րբ դիմել բժշկին

Դիմեք երեխայի բժշկին, եթե ձեր երեխան ունի վերոնշյալ ախտանիշներից մեկնումեկը, որոնք չեն բարելավվում տնային միջոցներով: