Ախտանիշներ - Ամիլոիդոզ

Դուք կարող եք չզգալ ամիլոիդոզի ախտանիշները՝ մինչև հիվանդության ավելի ուշ փուլերի զարգացումը:

Ախտանիշները կարող են տարբերվել՝ կախված նրանից, թե որ օրգաններն են ախտահարվել:

Ամիլոիդոզի գանգատներն ու ախտանիշները կարող են ներառել հետևյալը՝

• ուժեղ հոգնածություն և թուլություն
• շնչարգելություն և հևոց
• ձեռքերի կամ ոտքերի թմրածություն, ծակոցներ կամ ցավ
• կոճերի և ոտքերի այտուցվածություն
• փորլուծություն, հնարավոր է՝ արյունով կամ փորկապություն
• մեծացած լեզու (մակրոգլոսիա), երբեմն՝ կտրտված եզրի տեսքով
• մաշկային փոփոխություններ, ինչպիսիք են հաստացումը, հեշտ արյունազեղումներ և կապտուկներ առաջանալը և աչքերի շուրջ մանուշակագույն բծերը («ջրարջի աչքեր»):

Ե՞րբ դիմել բժշկին

Այցելեք ձեր բժշկին, եթե պարբերաբար զգում եք ամիլոիդոզի հետ կապված որևէ գանգատ կամ ախտանիշ: