Հակաբիոտիկ-կապված փորլուծությունը կանխելու համար փորձեք հետևյալ միջոցները:
- Ընդունեք հակաբիոտիկներ միայն անհրաժեշտության դեպքում և ձեր բժշկի նշանակմամբ. մի՛ օգտագործեք հակաբիոտիկներ, քանի դեռ ձեր բժիշկը համոզված չէ, որ դրանք անհրաժեշտ են: Հակաբիոտիկները կարող են բուժել բակտերիալ վարակները, բայց չեն օգնի վիրուսային վարակներին, ինչպիսիք են մրսածությունը (սուր շնչառական վիրուսային վարակը) և գրիպը:
- Խնդրեք խնամակալներին լվանալ ձեռքերը. եթե խնամք եք ստանում տանը կամ հիվանդանոցում, խնդրեք ձեզ խնամող անձնակազմին լվանալ ձեռքերը կամ օգտագործել ալկոհոլային հիմքով ձեռքերն ախտահանող միջոց՝ նախքան ձեզ դիպչելը:
- Տեղեկացրեք ձեր բժշկին, եթե նախկինում ունեցել եք հակաբիոտիկ-կապված լուծ կամ C. difficile. անցյալում մեկ անգամ հակաբիոտիկ-կապված լուծ կամ C. difficile ունենալը մեծացնում է այն բանի հավանականությունը, որ հակաբիոտիկները նորից նույն ռեակցիան կառաջացնեն: Նման դեպքերում ձեր բժիշկը կարող է ձեզ համար այլ հակաբիոտիկ ընտրել:
Հոդվածը հրապարակվել է՝ 01-05-2023
Վերջին վերանայում՝ 23-04-2024