Բուժում - Փորլուծություն հակաբիոտիկից

Հակաբիոտիկ-կապված փորլուծության բուժումը կախված է ձեր գանգատների և ախտանիշների ծանրության աստիճանից:

Թեթև փորլուծության բուժումը

Եթե ունեք թեթև փորլուծություն, ձեր ախտանշանները հավանաբար կվերանան հակաբիոտիկների բուժման ավարտից հետո մի քանի օրվա ընթացքում: Որոշ դեպքերում բժիշկը կարող է խորհուրդ տալ, որ դադարեցնեք հակաբիոտիկային բուժումը՝ մինչև ձեր փորլուծությունը չվերանա:

C. difficile վարակ առաջացնող վնասակար բակտերիայի բուժումը

Եթե ձեզ մոտ զարգացել է C. difficile վարակ, բժիշկը, հավանաբար, կդադարեցնի այն հակաբիոտիկը, որն ընդունում եք, և կարող է նշանակել հակաբիոտիկներ, որոնք կարող են ոչնչացնել ձեր փորլուծությունն առաջացնող C. difficile բակտերիաները: Ձեզնից նաև կարող է պահանջվել, որ դադարեցնեք ստամոքսի թթվայնությունը ճնշող դեղամիջոցների ընդունումը: Այս տեսակի վարակ ունեցող մարդկանց մոտ փորլուծության ախտանիշները կարող են կրկնվել և պահանջել կրկնակի բուժում: