Ախտանիշներ - Ապլաստիկ անեմիա

Ապլաստիկ անեմիան կարող է ընթանալ առանց որևէ ախտանիշի:

Երբ հիվանդությունը կլինիկորեն դրսևորվում է, ի հայտ են գալիս հետևյալ գանգատները և ախտանիշները՝

• հոգնածություն
• շնչարգելություն և հևոց
• հաճախացած (տախիկարդիա) կամ անկանոն (առիթմիա) սրտի ռիթմ
• գունատ մաշկ
• հաճախակի կամ երկարատև ընթացքով վարակներ
• անհասկանալի կամ հեշտ առաջացող արյունազեղումներ
• քթային արյունահոսություն և արյունահոսող լնդեր
• կտրված վերքերից երկարաձգված արյունահոսություն
• մաշկային ցան
• գլխապտույտ
• գլխացավ
• ջերմություն:

Ապլաստիկ անեմիան կարող է լինել կարճատև կամ ստանալ քրոնիկ ընթացք: Հիվանդությունը կարող է լինել ծանր և անգամ բերել մահվան:

Ե՞րբ դիմել բժշկին

Դիմեք ձեր բժշկին, եթե ունեք վերոնշյալ ախտանիշներից մեկնումեկը կամ մի քանիսը, և չունեք դրա բացատրությունը: