Գրադարան
Ապլաստիկ անեմիա. ախտորոշում
1 րոպե
Ախտանիշների մասին հարցնելուց, ձեր հիվանդության պատմության վերաբերյալ հարցեր տալուց և ձեզ զննելուց հետո, ձեր բժիշկն ամենայն հավանականությամբ խորհուրդ կտա հետևյալ հետազոտությունները՝ ձեզ մոտ ապլաստիկ անեմիա ախտորոշելու կամ ժխտելու համար:
- Արյան թեստեր. նորմայում, արյան կարմիր բջիջների (էրիթրոցիտներ), արյան սպիտակ բջիջների (լեյկոցիտներ) և արյան թիթեղիկների (թրոմբոցիտներ) մակարդակը մնում է որոշակի միջակայքում: Ապլաստիկ անեմիայի դեպքում արյան բջիջների այս երեք տեսակների մակարդակներն էլ ցածր են:
- Ոսկրածուծի բիոպսիա. բժիշկը ձեր մարմնի մեծ ոսկորից, ինչպիսին է ձեր ազդրոսկրը, ասեղով հեռացնում է ոսկրածուծի հյուսվածքից փոքր նմուշ: Նմուշը հետազոտվում է մանրադիտակի տակ՝ արյան հետ կապված այլ հիվանդությունները բացառելու համար: Ապլաստիկ անեմիայի դեպքում ոսկրածուծը պարունակում է ավելի քիչ արյան բջիջներ, քան նորմայում է: Ոսկրածուծի բիոպսիան անհրաժեշտ է ապլաստիկ անեմիայի ախտորոշումը հաստատելու համար:
Ապլաստիկ անեմիայի ախտորոշումը հաստատելուց հետո ձեզ կարող են անհրաժեշտ լինել այլ հետազոտություններ՝ հիվանդության հնարավոր պատճառը պարզելու համար:
Հոդվածը տեղադրվել է՝ 27-07-2023 վերանայվել է՝ 27-07-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
