Ախտանիշներ - Հավասարակշռության խախտում

Հավասարակշռության խնդիրները դրսևորվում են մի շարք առանձնահատուկ գանգատներով և ախտանիշներով:

Հավասարակշռության խնդիր ունենալիս դուք կարող եք նշել՝

• շարժման կամ պտտվելու զգացում (վերտիգո)
• ուշագնացությանը նախորդող զգացողություններ (նախաուշագնացություն կամ պրեսինկոպե), երբ գիտակցությունը և մկանային ուժն ամբողջությամբ կորած չեն
• հավասարակշռության կորուստ կամ անկայունություն, երբ քայլելիս երերում կամ ճոճվում եք կամ դժվար եք ձեր հավասարակշռությունը պահպանում
• ընկնելը կամ զգալը, որ կարող եք ընկնել
• մարմնի «լողալու» զգացողություն կամ գլխապտույտ զգալը
• տեսողական փոփոխություններ, ինչպիսին է մշուշոտ տեսողությունը
• շփոթվածություն:

Ե՞րբ դիմել բժշկին

Տեղեկացրեք ձեր բժշկին, եթե նշում եք վերոնշյալ ախտանիշներից մեկնումեկը կամ, առավել ևս, մի քանիսը:

Եթե հավասարակշռության խախտումն ի հայտ է եկել հանկարծակի և կարճ ժամանակի ընթացքում ինքնուրույն չի անհետանում, կարող է առաջանալ անհետաձգելի բուժօգնության անհրաժեշտություն: