Պատճառներ - Բեխչետի հիվանդություն

Բեխչետի հիվանդությունը կարող է լինել աուտոիմուն խանգարում, որը նշանակում է, որ օրգանիզմի իմունային համակարգը սխալմամբ հարձակվում և վնասնում է որոշ առողջ բջիջներ:

Հավանական է, որ գենետիկ և շրջակա միջավայրի գործոնները դեր են խաղում:

Բեխչետի հիվանդության գանգատներն ու ախտանիշները պատճառաբանվում են արյունատար անոթների բորբոքմամբ (վասկուլիտ): Այս խանգարումը կարող է ընդգրկել բոլոր չափերի զարկերակներն ու երակները՝ վնասելով դրանք ամբողջ օրգանիզմում:

Պարզվել է, որ մի քանի գեներ (օրինակ՝ HLA-B51) կապված են այս հիվանդության հետ: Որոշ հետազոտողներ կարծում են, որ վիրուսը կամ բակտերիան կարող է առաջացնել Բեխչետի հիվանդություն այն մարդկանց մոտ, ովքեր ունեն որոշակի գեներ, որոնք նրանց դարձնում են Բեհչետի նկատմամբ ավելի խոցելի:

Ռիսկի գործոններ

Բեխչետի հիվանդության ռիսկը կարող են մեծացնել մի շարք գործոններ, որոնց մի մասը ձեր վերահսկողությունից դուրս է:

• Տարիք. Բեխչետի հիվանդությունը սովորաբար հանդիպում է 20-30 տարեկան տղամարդկանց և կանանց շրջանում, սակայն երեխաները և տարեց չափահասները նույնպես կարող են հիվանդանալ:
• Ապրելու տարածաշրջան. ծնունդով Մերձավոր Արևելքի և Արևելյան Ասիայի երկրների բնակիչները, օրինակ՝ Թուրքիայում, Իրանում, Ճապոնիայում և Չինաստանում ապրող մարդիկ ավելի հավանական է, որ հիվանդանան Բեխչետով (այստեղից էլ՝ Մետաքսի ճանապարհի հիվանդություն անվանումը):
• Սեռ. թեև Բեխչետի հիվանդությունը հանդիպում է ինչպես տղամարդկանց, այնպես էլ կանանց մոտ, տղամարդկանց մոտ սովորաբար դրսևորում է ավելի ծանր ընթացք:
• Գեներ (ժառանգականություն). որոշ գեների (օրինակ՝ HLA-B51-ի) առկայությունը կապված է Բեխչետի հիվանդության զարգացման ավելի մեծ ռիսկի հետ: