Նկարագիր - Միզապարկի քաղցկեղ

Միզապարկի քաղցկեղը քաղցկեղի տարածված տեսակ է, որը սկսվում է միզապարկի բջիջներից:

Միզապարկը որովայնի ստորին մասում գտնվող խոռոչավոր մկանային օրգան է, որը կուտակում է մեզը:

Միզապարկի քաղցկեղն առավել հաճախ սկսվում է այն բջիջներում, որոնք ծածկում են ձեր միզապարկը ներսից (ուրոթելիալ բջիջներ): Ուրոթելիալ բջիջներ հայտնաբերվում են նաև ձեր երիկամներում և երիկամները միզապարկին միացնող խողովակներում՝ միզածորաններում: Ուրոթելիալ քաղցկեղ կարող է առաջանալ նաև երիկամներում և միզածորաններում, սակայն այն շատ ավելի տարածված է միզապարկի մեջ:

Միզապարկի քաղցկեղի մեծ մասը ախտորոշվում է վաղ փուլում, երբ քաղցկեղը բավականին բուժելի է: Սակայն, նույնիսկ վաղ փուլերում հաջող բուժումից հետո քաղցկեղը կարող է կրկնվել: Այդ իսկ պատճառով, միզապարկի քաղցկեղ ունեցող մարդկանց բուժումից հետո տարիներ շարունակ անհրաժեշտ են վերահսկման հետազոտություններ՝ միզապարկի կրկնվող քաղցկեղը վաղ հայտնաբերելու համար: