Կրծքագեղձի կիստաների հետ կապված անհարմարավետությունը նվազագույնի հասցնելու համար կարող եք փորձել հետևյալ միջոցները։
- Հագեք օժանդակող կրծկալ. ձեր կրծքագեղձերը լավ հարմարեցված կրծկալով պահելը կարող է օգնել որոշ անհարմարավեության մեղմացմանը:
- Փորձեք կոմպրես. տաք կոմպրեսը կամ սառցեպարկը կարող են օգնել ցավի մեղմացմանը:
- Խուսափեք կոֆեինից. հետազոտությունները որևէ կապվածություն չեն հաստատել կոֆեինի և կրծքագեղձի կիստաների միջև: Այնուամենայնիվ, որոշ կանայք իրենց սննդակարգից կոֆեինը բացառելուց հետո նշում են ախտանիշների թեթևացում: Փորձեք նվազեցնել կամ բացառել կոֆեին պարունակող ըմպելիքների և մթերքների (օրինակ՝ շոկոլադը) օգտագործումը, որ ստուգեք, թե արդյոք ձեր ախտանիշները բարելավվում են:
- Մտքծեք դեղատոմս չպահանջող ցավազրկողներ փորձելու մասին, եթե ձեր բժիշկը խորհուրդ է տալիս դրանք. կրծքագեղձի ցավի որոշ տեսակներ կարող են թեթևանալ Ացետամինոֆենի (Պարացետամոլ, Թայլենոլ և այլն) կամ ոչ ստերոիդ հակաբորբոքային դեղամիջոցների (ՈՍՀԲԴ) օգտագործմամբ, ինչպիսիք են Իբուպրոֆենը (Ադվիլ, Մոտրին IB և այլն) կամ Նապրոքսենը (Ալեվե և այլն):
Այլընտրանքային բժշկություն
Զրուցեք ձեր բժշկի հետ ցանկացած վիտամինների, բուսական միջոցների կամ այլ սննդային հավելումների մասին, որոնք դուք ընդունում եք կամ մտածում եք ընդունել: Ոչ մի ապացույց չկա, որ դրանցից որևէ մեկը օգնում է կրծքագեղձի կիստայի ախտանիշների բարելավմանը: Ավելին, դրանք կարող են առաջացնել կողմնակի ազդեցություններ:
Հոդվածը հրապարակվել է՝ 13-07-2021
Վերջին վերանայում՝ 23-04-2024