Պատճառներ - Դաստակի կոտրվածք

Դաստակը կարող է կոտրվել հետևյալ պատճառներով:

• Ընկնելը. առաջ պարզած ձեռքի վրա ընկնելը դաստակի կոտրվածքի ամենատարածված պատճառներից մեկն է:
• Մարզական վնասվածքներ. դաստակի կոտրվածքի բազմաթիվ դեպքեր առաջանում են կոնտակտային կամ այնպիսի մարզաձևերի ժամանակ, որոնց ժամանակ կարող եք ընկնել առաջ մեկնած ձեռքի վրա, օրինակ՝ չմուշկասահքը կամ ձնասահքը (սնոուբորդինգ):
• Ավտոպատահարներ. ավտովթարները կարող են հանգեցնել դաստակի ոսկորների կոտրվածքի: Նման կոտրվածքները երբեմն բազմաբեկորային են և հաճախ պահանջում են վիրահատական վերականգնում:

Ռիսկի գործոններ

Որոշակի մարզաձևերի մասնակցությունը և ոսկորները թուլացնող հիվանդություն՝ օստեոպորոզ ունենալը կարող են բարձրացնել դաստակի կոտրվածքի ձեր ռիսկը:

Մարզական գործունեություններ

Կոնտակտային և ձեր ընկնելու ռիսկը բարձրացնող մարզաձևերը կարող են բարձրացնել ձեր դաստակի ոսկորների կոտրվածքի ռիսկը: Ահա որոշ օրինակներ՝

• ֆուտբոլ կամ ամերիկյան ֆուտբոլ, հատկապես՝ արհեստական խոտածածկի վրա
• ռեգբի
• ձիավարություն
• հոկեյ
• դահուկային սպորտ
• ձնասահք (սնոուբորդինգ)
• չմուշքավազք
• թռիչք բատուտի վրա: