Գրադարան

Սրունքի ցավ․ կանխարգելում

Սրունքի ցավ․ կանխարգելում

Time Read 1 րոպե

Ահա մի քանի խորհուրդներ, որոնք կարող են օգնել սրունքի մկանային ցավի կանխարգելմանը:

  • Շարժողականության ապահովում. ձեր կոճի և սրունքի մկանները շարժուն պահելը վարժությունների միջոցով, ինչպիսիք են հոդը ձգելը կամ ողջ տիրույթով շարժումը, կարող է օգնել սրունքային ցավի կանխարգելմանը:
  • Հանգիստ. վարժանքների միջև ընկած ժամանակահատվածում հանգստանալը կարող է նպաստել մկանների վերականգնմանը և գերհոգնածության կախարգելմանը:
  • Նախավարժանք և հետվարժանք. մինչև ծանր վարժանքներ կատարելը փորձեք նախ «տաքացնել» ձեր մկանները թեթև նախավարժանքներով: Նույն կերպ, վարժանքն ավարտեք աստիճանաբար, այլ ոչ թե միանգամից:
  • Համապատասխան կոշիկներ. համոզվեք, որ վարժանքների ժամանակ հագած կոշիկները բավականաչափ հարմարավետ են և օգնում են ոտնաթաթի շարժումներին, հատկապես, երբ դուք վազում կամ ցատկում եք:
  • Կանխարգելեք ջրազրկումը. բավականաչափ ջուր օգտագործելը կարող է օգնել սրունքի մկանային ցավերի կանխարգելմանը: Հիշեք, որ ջրազրկումն ուղղակիորեն նպաստում է մկանների ջղաձգմանը:
  • Մագնեզիումի հավելումներ․ հատկապես հղի կանանց համար մագնեզիումը կարող է օգնել մկանային ջղաձգումների կանխարգելանը:
  • Վարժանքների ծանրաբեռնվածությունն ավելացրեք աստիճանաբար. եթե նոր եք որևէ վարժանք կատարում կամ ավելացնում եք ձեր մարզումների ծանրաբեռնվածությունը, փորձեք դա անել աստիճանաբար: Ձեր ակտիվության մակարդակը չափազանց կտրուկ բարձրացնելը կարող է մկանային կամ ջլային վնասվածքի պատճառ դառնալ: Այս հարցերում ձեզ կարող է օգնել մարզիչը:
  • Դիաբետի և արյան շաքարի պատշաճ հսկողություն․ եթե ունեք շաքարային դիաբետ, մշտական հսկողության տակ պահեք ձեր արյան շաքարի մակարդակը և օգտագործեք ձեր դեղամիջոցներն այնպես, ինչպես հրահանգել է ձեր բժշկը:

Հոդվածը տեղադրվել է՝ 10-12-2023 վերանայվել է՝ 10-12-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով