Գրադարան

Սրունքի ցավ․ ախտանիշներ

Սրունքի ցավ․ ախտանիշներ

Time Read 1 րոպե

Սրունքի ետին՝ ձկնամկանի շրջանի ցավը տարբերվում է անձից անձից՝ կախված ցավի պատճառից և կարող է լինել տարբեր բնույթի:

Որոշ մարդկանց մոտ այն զգացվում է որպես սրունքի ետնամասի բութ, նվացող կամ սուր ցավ, երբեմն՝ ձգվածության զգացողությամբ:

Ե՞րբ այցելել բժշկին

Այցելեք ձեր բժշկին, եթե ունեք ախտանիշներ, որոնք կարող են վկայել ավելի ծանր վիճակի մասին, օրինակ՝

  • ձկնամկանի շրջանն այտուցված է
  • նույն շրջանն անսովոր սառը կամ գունատված է
  • ձեր ստորին վերջույթը թմրած է (ծակծկոցներ) կամ հանկարծակի թուլանում է
  • ունեք այտուցներ
  • նույն շրջանը կարմրած, տաքացած կամ ձգված է
  • երկու ոտքերն էլ այտուցված են և ունեք դժվարաշնչություն
  • ձեր սրունքի մկանները դառնում են ցավոտ քայլելիս կամ դրանից հետո
  • մի քանի օր տնային միջոցներ փորձելուց հետո ցավերը չեն մեղմանում կամ սաստկանում են
  • ունեք ցավոտ վարիկոզ երակներ:

Առանց հետաձգելու դիմեք բուժօգնության, եթե ունեք խորանիստ երակների թրոմբոզի նշաններ և երկար ժամանակ գտնվել եք անշարժ նստած վիճակում, օրինակ՝ ժամեր տևող թռիչքների ժամանակ: Այս նշաններից են՝

  • ձեր սրունքի ետնամասն այտուցված է
  • նույն շրջանի մաշկը կարմրած է կամ զգում եք տեղային տաքություն կամ այրոց
  • ձեր ամբողջ ոտքը ցավոտ է:

Հոդվածը տեղադրվել է՝ 10-12-2023 վերանայվել է՝ 10-12-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով