Պատճառներ - Կամպիլոբակտեր

Կամպիլոբակտերիոզը կամ կամպիլոբակտերիալ վարակը հարուցվում է կամպիլոբակտերիա (Campylobacter) ցեղի բակտերիաներով:

Կամպիլոբակտերն ունի մոտ 15 տեսակ, որոնք մարդու մոտ առաջացնում են աղեսատամոքսային համակարգի տարբեր հիվանդություններ, այդ թվում՝ նաև փործությամբ ընթացող: Առավել տարածված են հետևյալ երեք տեսակները՝

• Campylobacter jejuni (90%)
• Campylobacter coli
• Campylobacter lari:

Ի տարբերություն այլ միկրոօրգանիզմների, որոնք առաջացնում են սննդային թունավորում, կամպիլոբակտերը հաճախ չի պատճառում բազմաթիվ մարդկանց միաժամանակ ախտահարող գաստրոէնտերիտի բռնկումներ: Այն սովորաբար առաջացնում է հիվանդության միայն մեկուսացված՝ առանձին դեպքեր:

Դուք կարող եք վարակվել կամպիլոբակտերով, եթե՝

• ուտեք հում կամ պատշաճ ջերմային մշակման չենթարկված թռչնամիս կամ այլ մսեղեն
• ուտեք սննդամթերք, որն աղտոտված է վարակված հում մսով
• ուտեք հում ծովամթերք, մասնավորապես՝ ոստրե (устрица)
• խմեք ոչ պաստերիզացված (հում կամ վարակված) կաթ
• խմեք կամ շփվեք վարակված ջրի հետ
• շփվեք վարակված տնային կամ ընտանի կենդանիների հետ:

Ռիսկի գործոններ

Կամպիլոբակտերով վարակվելու հավանականությունը բարձրանում է, եթե՝

• ունեք թուլացած իմունային համակարգ
• թերսնուցված վիճակում եք: