Կանխարգելում - Կամպիլոբակտեր

Դուք կարող եք նվազեցնել կամպիլոբակտերով վարակվելու ռիսկը, եթե խուսափեք «ռիսկային» սննդամթերքներից և պահպանեք անձնական հիգիենա:

«Ռիսկային» մթերքներից են՝

• հում կամ պատշաճ ջերմային մշակման չենթարկված մսեղեն, հատկապես՝ թռչնամիս
• հում ծովամթերք, մասնավորապես՝ ոստրե (устрица)
• ոչ պաստերիզացված (հում) կաթ:

Կարևոր է նաև, որ խոհանոցում կամ սննդամթերը պահպանելիս հետևեք սննդի անվտանգության կանոններին: Օրինակ, այս կանոնները պահպանելը կանխարգելում է մի սննդամթերից մյուսը վարակի տարածումը (երբ հում հավն առանձնացվում է թարմ կամ եփած սննդամթերքից): Մշտապես լվացեք ձեռքերը, հատկապես հում թռչնամսին կամ այլ մսերին դիպչելուց հետո:

Կամպիլոբակտերով վարակումից կարող եք խուսափել նաև այս միջոցներով`

• օգտագործեք միայն ստուգված սննդամթերք, մի գնեք կասկածելի տեղերում վաճառվող մթերքներ, հատկապես միս, կաթնամթերք և ձու
• խմեք միայն մաքուր և ախտահանված ջուր, իսկ կասկածի դեպքում օգտագործեք եռացնելուց հետո
• մի լողացեք կասկածելի ջրամբարներում:

Կամպիլոբակտերի տարածումը կանխարգելելու համար դուք պետք է նաև՝

• մնացեք տանը կամ պահեք հիվանդ երեխային տանը, քանի դեռ ձեր կամ նրա մոտ փորլուծության վերանալուց հետո չի անցել 24 ժամ (կամ 48 ժամ, եթե աշխատում եք խնամքի կամ սննդի կետում)
• խուսափեք լովավազան այցելելուց, քանի դեռ փորլուծության վերանալուց հետո չի անցել 24 ժամ
• մշտապես լվացեք ձեռքերը տնային կամ ընտանի կենդանիների հետ շփվելուց հետո
• եթե լողացնում եք երեխային, ծածկեք նրան լավ ֆիլտրող ջրաանթափանց վարտիքով: