Գրադարան
Կամպիլոբակտեր․ ախտանիշներ
1 րոպե
Կամպիլոբակտերիոզի ախտանիշները սովորաբար ի հայտ են գալիս վարակվելուց 2-5 օր հետո:
Հիվանդությունը սկսվում է մարմնի ջերմաստիճանի բարձրացմամբ, որին հաջորդում են ստամոքսի շրջանի կծկանքային ցավերը և փորլուծությունը, որը կարող է նաև պարունակել արյան հետքեր: Կամպիլոբակտերով վարակված մարդկանց մեծ մասի մոտ փսխում չի դիտվում:
Հիվանդությունը սովորաբար տևում է 1-2 շաբաթ:
Ե՞րբ դիմել բժշկին
Եթե ձեր երեխան 12 ամսականից փոքր է, կամպիլոբակտերային վարակի որևէ ախտանշան հայտնաբերելիս դիմեք ձեր բժշկին կամ մանկաբույժին:
Ավելի մեծ երեխաները կամ չափահասները պետք է այցելեն իրենց բժշկին կամ մանկաբույժին, եթե առկա է հետևյալ նշաններից որևէ մեկը՝
- ջրազրկման նշաններ, օրինակ՝ միզարձակության կրճատում, քնկոտություն կամ բերանի լորձաթաղանթի չորություն
- խիստ բարձր ջերմություն (տենդ)
- արյունային լուծ
- ստամոքսի շրջանի սուր և կտրտող բնույթի ցավեր
- ավելի քան երկու օր տևող փորլուծություն:
Կարևոր է նաև ինքնաբուժմամբ չզբաղվելը: Անտեղի մի՛ օգտագործեք հակաբիոտիկներ, որոնք կարող են հանգեցնել հիվանդության քրոնիկացմանը կամ դեղակայուն ձևերի զարգացմանը:
Հոդվածը տեղադրվել է՝ 11-04-2023 վերանայվել է՝ 11-04-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
